الەۋمەتتىك جەلىدە الماتىدا بىرنەشە ادامنىڭ 18 جاستاعى جىگىتتى ۇرىپ-سوققانى تۇسىرىلگەن ۆيدەو تارادى، - دەپ حابارلايدى اqshamnews.kz ءتىلشىسى.
نە بولدى؟
اناسىنىڭ جازۋىنشا، 18 جاستاعى ۇلىن 11-ىنەن 12 قازانعا قاراعان ءتۇنى تولە بي كوشەسىندەگى كافە جانىندا ماس ەر ادامدار توپ بولىپ ۇرىپ-سوققان.
"ولاردىڭ ءبىرى ەس-تۇسسىز جاتقان بالامدى باسىنان تەپكەن. 15–20 كۇدىكتىنىڭ ىشىنەن تەك ۇشەۋى عانا ۇستالدى دەگەن اقپارات بار. بارلىعى ۇستالىپ، زاڭعا سايكەس جاۋاپقا تارتىلسىن"، - دەپ جازدى ول.
پوليسيانىڭ رەسمي تۇسىندىرمەسى
الماتى قالالىق پوليسيا دەپارتامەنتىنىڭ باسپا ءسوز قىزمەتى قاساقانا دەنساۋلىققا زيان كەلتىرۋ فاكتىسى بويىنشا قىلمىستىق ءىس قوزعالعانىن حابارلادى.
"جەدەل ءىس-شارالاردىڭ ناتيجەسىندە وقيعاعا قاتىسقانداردىڭ بارلىعى انىقتالىپ، ۇستالدى. ءارقايسىسىنىڭ كىناسىنىڭ دارەجەسىن جانە وقيعانىڭ وبەكتيۆتى ءمان-جايىن انىقتاۋعا باعىتتالعان تەرگەۋ امالدارى جۇرگىزىلۋدە"، - دەپ مالىمدەدى پوليسيا.
ۆەدومستۆو بارلىق كىنالىلەر زاڭعا سايكەس جاۋاپقا تارتىلاتىنىن، ءار قاتىسۋشىنىڭ ارەكەتىنە قاعيداتتى قۇقىقتىق باعا بەرىلەتىنىن اتاپ ءوتتى. تەرگەۋ بارىسى الماتى قالالىق پد باسشىلىعىنىڭ ەرەكشە باقىلاۋىندا.