اقپاراتتىق حابارلاما!
الماتىدا 17 قازاندا Mass Alert جەدەل قۇلاقتاندىرۋ جۇيەسى سىناقتان وتكىزىلەدى. ەندى بۇل قۇلاقتاندىرۋ iOS وپەراسيالىق جۇيەسىن پايدالانۋشىلارعا دا قولجەتىمدى بولادى، دەپ حابارلايدى aqshamnews.kz.
ءموبيلدى قۇرىلعى پايدالانۋشىلارىنا «ۇلتتىق قۇلاقتاندىرۋ» بەلگىسىمەن سىناق تۋرالى حابارلاما جىبەرىلەدى، ال كەيبىر Android وپەراسيالىق جۇيەسى بار قۇرىلعىلارعا «پرەزيدەنتتىك قۇلاقتاندىرۋ» بەلگىسىمەن ەسكەرتۋ تۇسەدى.
حابارلامالار «ۇلتتىق قۇلاقتاندىرۋ» نەمەسە «پرەزيدەنتتىك قۇلاقتاندىرۋ» دەگەن تاقىرىپپەن كەلەدى، سەبەبى حالىقارالىق سيپاتتاماعا سايكەس، تەلەفون وندىرۋشىلەرىنىڭ بارلىعى تەستتىك نەمەسە جەدەل قۇلاقتاندىرۋدى مەملەكەتتىك ورگاندار ىسكە قوسقاندا، وپەراسيالىق جۇيەلەرىندە وسىنداي اتاۋلار قولدانادى.
الماتىلىقتار مەن قالا قوناقتارىنا الاڭداۋدىڭ قاجەتى جوق، سەبەبى بۇل جاي عانا سىناقتان وتكىزۋ.
ايتا كەتۋ كەرەك، iPhone قۇرىلعىلارىنىڭ يەلەرى iOS 18 باعدارلامالىق جاساقتاماسى بولسا عانا ەسكەرتۋ الادى.
وسىعان بايلانىستى الماتىلىقتار مەن قالا قوناقتارىنا قۇرىلعىلارىن iOS 18 جۇيەسىنە جاڭارتۋ قاجەت. ەگەر قۇرىلعى اۆتوماتتى تۇردە جاڭارتىلماسا، ونى «باپتاۋلار – نەگىزگى – باعدارلامالىق جاساقتامانى جاڭارتۋ» دەپ ءوزى جاڭارتۋ كەرەك.
ەستەرىڭىزگە سالا كەتەيىك، بيىل 31 مامىردا ءبىرىنشى كەزەڭدە Android وپەراسيالىق جۇيەسى بار قۇرىلعىلارعا سىناقتان وتكىزۋ جۇيەسى جۇرگىزىلدى. ەكىنشى كەزەڭدە iOS قۇرىلعىلارىنىڭ پايدالانۋشىلارى ەلەكتروندىق قۇلاقتاندىرۋ جۇيەسىنە قوسىلادى.