ەنەرگەتيكا مينيسترلىگى شيكىزاتپەن قامتاماسىز ەتۋدەن باستاپ تۇپكىلىكتى ءونىم شىعارۋعا دەيىنگى ءىس-شارالاردى قامتيتىن «مۇناي-گاز حيمياسى ونەركاسىبىن دامىتۋدىڭ 2024-2030 جىلدارعا ارنالعان جول كارتاسىن» ازىرلەدى.
قۇجاتتىڭ ماقساتى – مۇناي-گاز حيمياسى سالاسىن دامىتۋ جانە وسى سالاداعى جوبالاردى ىسكە اسىرۋعا جاردەمدەسۋ، دەپ حابارلايدى aqshamnews.kz سالا مينيسترلىگىنە سىلتەمە جاساپ.
جول كارتاسىنىڭ ەرەجەلەرىن ورىنداۋ شەڭبەرىندە مىناداي ناتيجەلەر كوزدەلگەن:
- مۇناي-گاز-حيميا ونىمدەرىن ءوندىرۋ كولەمىن 2023 جىلعى 357،8 مىڭ توننادان 2030 جىلعا قاراي 1،8 ملن تونناعا دەيىن ۇلعايتۋ؛
- مۇناي-گاز حيمياسىندا ىسكە اسىرىلاتىن جانە جاڭا جوبالاردى قاجەتتى شيكىزاتپەن قامتاماسىز ەتۋ؛
- 14،7 ملرد اقش دوللارى سوماسىنا ينۆەستيسيالار تارتا وتىرىپ، شامامەن 3،5 مىڭ تۇراقتى جانە 16 مىڭ ۋاقىتشا جۇمىس ورنىن قۇرا وتىرىپ، التى جوبانى ىسكە اسىرۋ؛
- مۇناي-گاز حيمياسى جوبالارى ءۇشىن "ۇيمحت" اەا اۋماعىندا قاجەتتى ينفراقۇرىلىم سالۋ؛
- مۇناي-گاز-حيميا سالاسىنىڭ ونىمدەرىن وتكىزۋ نارىقتارىن قامتاماسىز ەتىپ، ىشكى تۇتىنۋدى ىنتالاندىرۋ؛
- عىلىمي بازانى، ادامي كاپيتالدى جەتىلدىرۋ، سونداي-اق ءتيىستى نورماتيۆتىك-قۇقىقتىق جانە تەحنيكالىق قۇجاتتاردى قابىلداۋ ەسەبىنەن سالانى دامىتۋ ءۇشىن جاعدايلار جاساۋ.
جول كارتاسىن ق ر ۇكىمەتى بەكىتتى.