المالى اۋداندىق پوليسيا باسقارماسىنىڭ مالىمەتىنشە، د.ەسىمدى ازامات كەم دەگەندە 17 قالا تۇرعىنىن الدادى دەگەن كۇدىككە ءىلىندى، دەپ حابارلايدى Almaty-akshamy.kz.
«ايىپتالۋشى ازاماتتارعا اي سايىن قاجەتتى سومانى تولەپ وتىرۋعا ۋادە بەرىپ، اۆتوكولىكتى نەسيەگە راسىمدەۋگە كوندىرگەنى بەلگىلى بولدى. اقشا مەن كولىكتى العان ازامات كولىكتى ءۇشىنشى ادامدارعا قايتا ساتىپ، قاراجاتتى ءوز قالاۋى بويىنشا جۇمساعان. اسا ءىرى كولەمدەگى الاياقتىق دەرەگىنە سايكەس ق ر قك-نىڭ 190-بابى 4-بولىگى (الاياقتىق) بويىنشا سوتقا دەيىنگى تەرگەۋ باستالدى. تەرگەۋ بارىسىندا كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى. زارداپ شەككەندەر كوپ بولۋى مۇمكىن ەكەنىن جوققا شىعارمايمىز. سوندىقتان، وسى ادامنىڭ ارەكەتىنەن زارداپ شەككەن ازاماتتاردى مىنا تەلەفوندار ارقىلى حابارلاسۋعا شاقىرامىز: 8-705-555-77-63؛ 8-775-747-77-78 جانە 8-778-591-91-35»، – دەيدى المالى اۋداندىق پوليسيا باسقارماسىنىڭ باستىعى ولجاس ءشارىپوۆ.
ق ر قك-نىڭ 201 بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77 بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.