ميانمادا اسكەري ۇكىمەت كۇشتەرى مەن حالىق جاساقتارى اراسىندا قاقتىعىس جالعاسىپ جاتىر
"اراكانا ارمياسى" دەپ اتالعان كوتەرىلىسشىلەر ەلدىڭ باتىسىنداعى چين مەن راكحاين شتاتىنداعى تاعى بىرنەشە ەلدى مەكەندى باسىپ العان، دەپ حابارلايدى اlmaty-akshamy.kz 24.kz-كە سىلتەمە جاساپ.
ولاردىڭ تالابى اسكەريلەردى بيلىكتەن كەتىرىپ، ەلدە قايتا ازاماتتىق ۇكىمەت ورناتۋ. بۇعان دەيىن كوتەرىلىسشىلەر ميانمانىڭ سولتۇستىك-شىعىسىنداعى ءبىرقاتار قالا مەن جۇزدەن اسا اسكەري بەكەتتى باقىلاۋعا العان ەدى. اسكەريلەر كوتەرىلىسشىلەردى ەل اراسىنا جىك سالىپ وتىر دەپ ايىپتايدى. ولار ميانمادا 2021 جىلدىڭ اقپان ايىندا توڭكەرىس جاساپ، بيلىكتى باسىپ العان ەدى. كوپ ۇزاماي حالىق باس كوتەرىپ، جاساقتار قۇرىلىپ، قارسى ارەكەتكە كوشتى.