جاقىندا الماتىدا موپەدتى العاشقى تىركەۋ ءراسىمى جۇرگىزگەن ەدى.
جاس الماتىلىق كولىك قۇرالىنىڭ تەحنيكالىق ءتولقۇجاتىن جانە مەملەكەتتىك تىركەۋ ءنومىرىن الدى، دەپ حابارلايدى aqshamnews.kz Polisia.kz-كە سىلتەمە جاساپ.
2025 جىلدىڭ 5 ساۋىرىنەن باستاپ موپەدتەردى مەحانيكالىق كولىكتەرگە تەڭەستىرەتىن زاڭنامالىق تۇزەتۋلەر كۇشىنە ەنەدى. كورسەتىلگەن كۇننەن باستاپ موپەدتەردى پوليسيادا تىركەۋدەن وتكەننەن كەيىن، ا1، ا جانە ۆ ساناتىنداعى جۇرگىزۋشى كۋالىگى بار، تەحنيكالىق بايقاۋدان جانە ازاماتتىق-قۇقىقتىق جاۋاپكەرشىلىكتى ساقتاندىرۋدان وتكەننەن كەيىن عانا پايدالانۋعا رۇقسات ەتىلەدى. وسىعان وراي الماتى قالاسىنداعى مامانداندىرىلعان قىزمەت كورسەتۋ ورتالىقتارىندا موپەدتەردى تىركەۋ جۇمىستارى جۇرگىزىلىپ جاتىر.
23 قاڭتارداعى جاعداي بويىنشا مەملەكەتتىك قىزمەت كورسەتۋ كەزىندە 16 موپەد تىركەلدى. 2024 جىلى "جول قوزعالىسى تۋرالى" زاڭعا تۇزەتۋلەر ەنگىزىلدى. نەگىزگى ماقسات – موپەدتەردى پايدالانۋدى رەتتەۋ. ەندى موپەد جۇرگىزۋشىلەرى جول قوزعالىسىنىڭ تولىققاندى قاتىسۋشىلارى بولىپ سانالادى جانە ولارعا بارلىق زاڭ تالاپتارى قولدانىلادى.