الماتى قالاسىنىڭ قوعامدىق ءتارتىبىن قاداعالاپ جۇرگەن قازاقستان رەسپۋبليكاسى ءىىم ۇلتتىق ۇلانى 5571 اسكەري ءبولىمىنىڭ جاۋىنگەرلەرى قالا تۇرعىنىنا جوعالعان ۇيالى تەلەفونىن تاۋىپ، قايتارىپ بەردى.
وقيعا 22 قاڭتاردا ساعات 18.40 شاماسىندا تۇركسىب اۋدانىندا پاترۋلدىك-بەكەتتىك قىزمەت اتقارۋ بارىسىندا بولعان. جاۋىنگەرلىك قىزمەت اتقارىپ جۇرگەن اسكەري جاساق باستىعى ەفرەيتور مەيىرجان السەيىت پەن پاترۋلشىلەر تەمىرلان قانات ۇلى، نۇرسەيىت ناعيموۆ جانە دانيار امانباي ۇلى جول جيەگىندە جاتقان سمارتفون تاۋىپ العان. بۇل تۋرالى اسكەري جاساق راديوبايلانىس ارقىلى پاترۋلدىك توپ باستىعىنا بايانداعان.
– ءبىز 4-باقىلاۋ نۇكتەسىندە تۇرعان بولاتىنبىز. سول ۋاقىتتا جول جيەگىندە قاردىڭ استىندا جارىعى جانىپ جاتقان ۇيالى تەلەفوندى كورىپ قالدىق. بىردەن پاترۋلدىك توپ باستىعىنا بايانداپ، قىزمەتىمىزدى جالعاستىردىق. ءبىراز ۋاقىتتان كەيىن ۇيالى تەلەفون يەسى باسقا نومىردەن قوڭىراۋ شالدى. ءبىز وعان كوز جەتكىزگەن سوڭ تەلەفوندى زاڭدى يەسىنە تابىستادىق، – دەيدى ەفرەيتور مەيىرجان السەيىت.
قالا تۇرعىنى جوعالعان ۇيالى تەلەفونىن وزىنە قايتارعان قۇقىقتىق ءتارتىپ اسكەرىنىڭ ساقشىلارىنا قىراعى جانە قىزمەتتەرىن مۇقيات اتقارعانى ءۇشىن العىسىن ءبىلدىردى.