پاراپاۋەرليفتەر داۆيد دەگتياروۆقا جاڭا پاتەر مەن كولىك كىلتى تابىستالدى

داۆيد دەگتياريەۆ: «جەڭىسىمدى تاماشا ەلىمە ارنايمىن»

اقمولا وبلىسىنىڭ اكىمى ەرمەك مارجىقپايەۆ توكيو پاراليمپياداسىنان جەڭىسپەن ورالعان اقمولالىق پاراپاۋەرليفتەر داۆيد دەگتياريەۆكا جاڭا پاتەر مەن كولىكتىڭ كىلتىن تاپسىردى، دەپ حابارلايدى Almaty-akshamy.kz 

ايماق باسشىسى ەرمەك مارجىقپايەۆ قۇتتىقتاۋ سوزىندە وڭىردە سپورت سالاسى قارقىندى دامىپ كەلە جاتقانىن، بۇقارالىق سپورتتى دامىتۋ ءۇشىن ءبىرقاتار شارۋالار تىندىرىلىپ جاتقانىن اتاپ ءوتتى. «سپورت سالاسىندا 2 مىڭنان استام مامان ەڭبەك ەتەدى. ءوڭىردىڭ قالالارى مەن اۋىلدارىندا 2،5 مىڭ سپورت نىسانىندا 240 مىڭنان استام اۋەسقوي سپورتشىلار جاتتىعادى. داۆيد دەگتياريەۆ اقمولالىق اتلەتتەردىڭ داڭقتى جەڭىستەرى جىلناماسىندا لايىقتى ورىن الدى. ءبىز ونىڭ جەتىستىگىن ماقتان تۇتامىز جانە زور دەنساۋلىق پەن تابىس تىلەيمىز»، – دەپ اتاپ ءوتتى ەرمەك بورانباي ۇلى.

ە.مارجىقپايەۆ چەمپيونعا كولىكتىڭ كىلتىن جانە 3 بولمەلى جاڭا پاتەردىڭ سەرتيفيكاتىن تابىس ەتتى. ال، ونىڭ جاتتىقتىرۋشىسى يۋريي كولەسنيكوۆ 5 ميلليون تەڭگە الدى. «مەن جەڭىسىمدى تاماشا ەلىمە ارنايمىن»، - دەدى قۋانىشىمەن بولىسكەن داۆيد دەگتياروۆ.

ايتا كەتەيىك، توكيودا ءوتىپ جاتقان پاراليمپيدادا اقمولالىق پاراپاۋەرليفتەر داۆيد دەگتياريەۆ قازاقستان قورجىنىنا العاشقى التىن مەدالدى سالعان بولاتىن.