ءورت ءسوندىرۋ بريگاداسى وقيعا ورنىنا تەز جەتىپ، شۇعىل شارا قولدانۋ ءۇشىن دەپولاردىڭ جاعدايىن جاقسارتۋ كەرەك
شاھار باسشىسىمەن كەزدەسۋگە ارنايى كەلگەن تۇركسىب اۋدانىنىڭ تۇرعىنى ءورت سوندىرۋشىلەردىڭ جۇمىسىنا شاعىمداندى، دەپ حابارلايدى اlmaty-akshamy.kz.
«27 ماۋسىم كۇنى «جاس قانات» شاعىناۋدانىندا ءۇي ورتەندى. ءورت ءسوندىرۋ بريگاداسى وقيعا ورنىنا 25 مينۋت دەگەندە ارەڭ جەتتى. ول ۋاقىتتا ءۇي جانىپ، توبەسى وپىرىلىپ ءتۇستى. مۇنداي توتەنشە جاعداي كەزىندە قۇتقارۋشىلار، پوليسيا، جەدەل جاردەم قىزمەتكەرلەرى العاشقىلاردىڭ ءبىرى بولىپ سول جەردەن تابىلۋ كەرەك ەدى، وكىنىشكە وراي، ولاي بولمادى»،- دەيدى تۇركسىب اۋدانىنىڭ تۇرعىنى.
ءوز كەزەگىندە ەربولات دوسايەۆ جاڭا شاعىناۋدانداردىڭ اشىلۋىنا بايلانىستى ءورت ءسوندىرۋ دەپولارى جەتىسپەي جاتقانىن ايتتى.
«الماتىدا جاڭا اۋدانداردىڭ پايدا بولۋىنا بايلانىستى 15 ءورت ءسوندىرۋ دەپوسى جەتىسپەيدى. ءقازىر دەپولار بويىنشا جوبا دايىندالىپ جاتىر. سونىمەن قاتار، ءورت ءسوندىرۋ بريگاداسى وقيعا ورنىنا تەز جەتىپ، شۇعىل شارا قولدانۋ ءۇشىن دەپولاردىڭ جاعدايىن جاقسارتۋ كەرەك»،- دەدى الماتى اكىمى.