بۇل اقپاراتپەن وڭىرلىك كوممۋنيكاسيالار قىزمەتىنىڭ بريفينگىندە الماتى قالاسىنىڭ قالالىق ۆەتەرينارلىق قىزمەتىنىڭ باسشىسى اديس سەيداقماتوۆ ءبولىستى. مەگاپوليستىڭ كەز كەلگەن تۇرعىنى ءوتىنىم بەرۋ ارقىلى ءوزىنىڭ جانۋارىنا چيپ سالدىرا الادى، دەپ حابارلايدى اlmaty-akshamy.kz الماتى قالاسى وڭىرلىك كوممۋنيكاسيالار قىزمەتىنە سىلتەمە جاساپ.
ءادىل سەيداكماتوۆ قاراۋسىز جانە قاڭعىباس جانۋارلاردىڭ سانىن ىزگىلىكتى رەتتەۋ ماسەلەسىندە الماتى قالاسىنىڭ اكىمدىگىمەن قوعامدىق بىرلەستىكتەر مەن جانۋارلاردى قورعاۋ ۇيىمدارى بەلسەندى ىنتىماقتاسۋدا.
“اتالعان زاڭدى ىسكە اسىرۋ ماقساتىندا قازىرگى ۋاقىتتا "الماتى "اكك "ۇك" اق-مەن "جانۋارلارعا جاۋاپكەرشىلىكپەن قاراۋ تۋرالى" ق ر زاڭىنىڭ تالاپتارىنا جاۋاپ بەرەتىن جانۋارلاردى ۋاقىتشا ۇستاۋ پۋنكتىن قۇرۋ ءۇشىن الماتى قالاسىنىڭ تۇركسىب اۋدانىنداعى اۋدانى 2،4 گا جەر ۋچاسكەسىن «قالالىق ۆەتەرينارلىق قىزمەتكە» بەرۋ بويىنشا جۇمىس جۇرگىزىلۋدە”، - دەپ حابارلادى وكق سپيكەرى.
ا. سەيداقماتوۆتىڭ پىكىرىنشە، الماتى قالاسى كوشەلەرىندە بۇرالقى جانۋارلاردىڭ بولۋىنىڭ باستى سەبەپتەرىنىڭ ءبىرى ءۇي جانۋارلارىن جاۋاپسىز ۇستاۋ جانە ءوسىرۋ بولىپ تابىلادى.
“قازىرگى ۋاقىتتا ءبىزدىڭ ۆەتەريناريالىق ماماندار الماتى قالاسىنىڭ اۋماعىندا ءۇي جانۋارلارىن ەسەپكە الۋدى قامتاماسىز ەتۋ ماقساتىندا ءۇي جانۋارلارىن، اتاپ ايتقاندا يتتەر مەن مىسىقتاردى چيپتەۋدى وتەۋسىز نەگىزدە جۇرگىزۋدە. 2022 جانە 2023 جىلدارى 15000 ءۇي جانۋارلارىن چيپتەۋ جوسپارلانعان”، - دەدى ۆەتقىزمەت وكىلى.
سپيكەر چيپتەۋ ۇعىمىن ءتۇسىندىردى. چيپتەۋ - بۇل جانۋارلاردى (يتتەر، مىسىقتار) ەلەكتروندى سايكەستەندىرۋ، بۇل جانۋاردىڭ تەرىسى استىنداعى ميكروچيپتىڭ يمپلانتاسياسى، وندا 15 تاڭبالى بىرەگەي ءنومىر بار، ول جانۋارمەن بىرگە ءومىر بويى قالادى.
ولاردىڭ سانىن سايكەستەندىرۋ جانە ەسەپكە الۋ قاڭعىباس جانۋارلار ماسەلەسىن شەشۋگە باعىتتالعان. ولاردىڭ پايدا بولۋىنىڭ نەگىزگى سەبەپتەرى ءالى كۇنگە دەيىن وزدىگىنەن سەرۋەنگە شىعۋ، ءۇي جانۋارلارىن جوعالتۋ جانە ۇستاۋدان باس تارتۋ بولىپ تابىلادى. تابىلعان جانۋاردا ءچيپتىڭ بولۋى ونى ۇيگە قايتارۋعا مۇمكىندىك بەرەدى.
ايتا كەتسەك، الماتى قالاسىنىڭ اكىمدىگى ءۇي جانۋارلارىن زارارسىزداندىرۋ ءۇشىن ءتيىستى قاراجات بولەدى، بۇل بۇرالقى جانۋارلاردى ازايتۋدى قامتاماسىز ەتۋى ءتيىس.
بۇگىندە جانۋارلاردى اۋلاۋ، ۋاقىتشا ۇستاۋ جانە جانسىزداندىرۋ ەرەجەلەرى، سونداي-اق ءۇي جانۋارلارىن ۇستاۋ جانە سەرۋەندەتۋ ەرەجەلەرى ازىرلەندى، ولاردى بەكىتۋ وسى سالاداعى جۇمىستى جەڭىلدەتەدى. كەلىسۋ ءراسىمى اياقتالۋىنا بايلانىستى، ەرەجە الماتى قالاسى ءماسليحاتىنىڭ وتىرىسىندا قارالادى.
وسى مۇمكىندىكتى پايدالانا وتىرىپ، اديس سەيداقماتوۆ الماتى قالاسىنىڭ بارلىق تۇرعىندارىن ءۇي جانۋارلارىنا بارىنشا جاۋاپكەرشىلىك تانىتۋعا، چيپتاەۋ، زارارسىزداندىرۋ جانە قاجەتتى ۆەتەرينارلىق ءىس-شارالاردى جۇرگىزۋگە شاقىردى.