ەلەكترمەن جابدىقتاۋ سالاسىندا 400 مىڭ تۇرعىندى قامتيتىن 2 قوسالقى ەلەكتر ستانسياسىنىڭ قۇرىلىسى ءجۇرىپ جاتىر.
بيىل «الماگۇل» قوسالقى ستانسياسى، 2023 جىلدىڭ شىلدە ايىندا «تۇزدىباستاۋ» قوسالقى ستانسياسى اياقتالادى، دەپ حابارلايدى Almaty-akshamy.kz
سونىمەن قاتار، اعىمداعى جىلى 138 شاقىرىم ەلەكتر جەلىلەرى جاڭعىرتىلادى.
ساپالى سۋمەن قامتاماسىز ەتۋ ماقساتىندا اعىمداعى جىلى قارعالى وزەنىندەگى سۋ جيناۋ ستانسياسىنىڭ قۇرىلىسىن اياقتايمىز.
جىلدىڭ سوڭىنا دەيىن اقساي وزەنىندەگى سۋ جيناۋ ستانسياسىنىڭ قۇرىلىسىنا كىرىسەمىز جانە ەرمەنساي سۋ قۇرىلىسىنىڭ جوبالىق-سمەتالىق قۇجاتتاما ازىرلەۋدى اياقتايمىز.
جاڭا سۋ كوزدەرىن سالۋ قوسىلعان اۋماقتارداعى
150 مىڭنان استام قالا تۇرعىندارىن قامتۋدى قامتاماسىز ەتەدى.
بيىل شامامەن 110 مىڭ ادامدى قامتي وتىرىپ، ۇزىندىعى 632،2 كم سۋمەن جابدىقتاۋ جانە كاناليزاسيا جەلىلەرىنىڭ 16 وبەكتىسىنىڭ قۇرىلىسى جۇرگىزىلۋدە (سۋ قۇبىرى – 371،3 كم، كاناليزاسيا – 260،9 كم).
اعىمداعى جىلدىڭ ءى-شى جارتى جىلدىعىندا 45 كم جەلى تارتىلدى (سۋ قۇبىرى – 25 كم، كاناليزاسيا – 20 كم). وسى جىلدىڭ سوڭىنا دەيىن ۇزىندىعى 371،2 كم 10 وبەكتىنىڭ قۇرىلىسى تولىعىمەن اياقتالادى (سۋ قۇبىرى – 203،3 كم، كاناليزاسيا – 167،9 كم).
ناتيجەسىندە سۋ قۇبىرى بويىنشا جەلىلەردىڭ توزۋى 55،8%-كە دەيىن (56،2% - تەن)، كاناليزاسيا بويىنشا - 57،5%-كە دەيىن (58% - تەن) تومەندەيدى.