بۇل تۋرالى الماتى قالاسىنىڭ اكىمى ە.دوسايەۆ وكق-دا وتكەن الماتى قالاسىنىڭ الەۋمەتتىك ەكونوميكالىق دامۋىنىڭ 5 ايداعى نەگىزگى قورىتىندىلارى تۋرالى سويلەگەن سوزىندە ايتتى، دەپ حابارلايدى Almaty-akshamy.kz.
العاشقى مەديسينالىق-الەۋمەتتىك كومەكتى (اماك) دامىتۋ اكىمدىكتىڭ 2022 جىلعى جۇمىسىنداعى باسىمدىق باعىتى بولىپ تابىلادى.
ەمحانالارعا تۇسەتىن جۇكتەمەنى ازايتۋ جانە كونسۋلتاسيالىق-دياگنوستيكالىق قىزمەتتەردىڭ قولجەتىمدىلىگىن ارتتىرۋ ءۇشىن وسى جىلدىڭ سوڭىنا دەيىن كەمەل جانە مامىر شاعىن اۋداندارىندا 2 وتباسىلىق-دارىگەرلىك امبۋلاتوريانى سالۋ جانە №11 قالالىق ەمحانانى كۇردەلى جوندەۋ جۇمىستارى اياقتالادى. سونداي-اق سايالى، قاراسۋ جانە نۇرشاشقان شاعىناۋداندارىندا 3 وتباسىلىق-دارىگەرلىك امبۋلاتوريانىڭ قۇرىلىسى باستالىپ، 2023 جىلى اياقتالادى.
ەمحانالاردى زاماناۋي مەديسينالىق جابدىقتارمەن تولىق قامتاماسىز ەتۋگە 1،7 ملرد. تەڭگە ءبولىندى. بۇدان باسقا، جىلدىڭ سوڭىنا دەيىن 2 ەمحانا مەن 3 وتباسىلىق-دارىگەرلىك امبۋلاتوريا، 2023 جىلى تاعى 3 وتباسىلىق-دارىگەرلىك امبۋلاتوريا سالۋ ءۇشىن جوبالاۋ-سمەتالىق قۇجاتتامانى ازىرلەۋ جۇمىستارى اياقتالادى.
انا مەن بالا ءولىمىن ازايتۋ ءۇشىن بيىل بالالارعا شۇعىل كومەك كورسەتۋ ورتالىعىنىڭ جاڭا كورپۋسى سالىنىپ بىتەدى، 4 پەرزەنتحانا مەن 2 بالالار ستاسيونارىن 2،8 ملرد. تەڭگەگە تەحنيكالىق جاراقتاندىرۋ جاقسارتىلادى.
وكىنىشكە وراي، وتكەن جىلى انا ءولىمى بويىنشا وتە جوعارى كورسەتكىش ورىن الدى (26 جاعداي). وسى جىل ءبىزدىڭ قالادا اعىمداعى جىلدىڭ ءى-شى جارتى جىلدىعىندا 3 انا ءولىمى ورىن الدى، ونىڭ 2-ەۋى – دەنساۋلىق ساقتاۋ مينيسترلىگىنە باعىناتىن اكۋشەرلىك، گينەكولوگيا جانە پەريناتولوگيا رەسپۋبليكالىق عىلىمي ورتالىعىندا جانە 1 – قالالىق پەريناتولوگيا جانە بالالار كارديوحيرۋرگياسى ورتالىعىندا (بوسانۋ 24.02.2022 ج.، ءولىم ورىن العان جەر: ۇيدە 05.03.2022 ج.).
قان اينالىمى جۇيەسى اۋرۋلارىنان، ونكوپاتولوگيالاردان بولاتىن ءولىم جاعدايىن ازايتۋ ءۇشىن ءۇش جىلدىق باعدارلاما شەڭبەرىندە 6،9 ملرد. تەڭگە سوماسىنا كوپ بەيىندى ستاسيونارلار جاڭعىرتىلادى.
سونداي-اق، اسا تاپشى ماماندىقتار بويىنشا 240 دارىگەردى دايارلاۋ جانە 1000 مەدبيكەنى وقىتۋ جۇرگىزىلۋدە.
2022 جىلى مەديسينالىق-سانيتارلىق العاشقى كومەكتى دامىتۋ مەديسينالىق قىزمەتتەردىڭ قولجەتىمدىلىگى مەن ساپاسىن ارتتىرادى، انا ءولىمىن 3 ەسە ازايتادى (100 مىڭ ءتىرى تۋعانعا شاققاندا 53،7-دەن 18،9 جاعدايعا دەيىن).