بۇل تۋرالى ەنەرگەتيكا ءمينيسترى الماسادام ساتقالييەۆ ايتتى، دەپ حابارلايدى Almaty-akshamy.kz
«باستاپقىدا شاعىن كولەممەن، ايىنا شامامەن 20 مىڭ توننامەن باستاعان ەدىك. قازىرگى ۋاقىتتا قول جەتكىزىلگەن ۋاعدالاستىقتاردىڭ ناتيجەسىندە قازاقستان مۇنايىن اي سايىن 100 مىڭ تونناعا ۇلعايتۋ جوسپاردا بار. بۇگىندە «دوستىق» مۇناي قۇبىرىنا قاتىستى كەلىسىمگە قول قويىلعان»، - دەدى الماسادام ساتقالييەۆ اقوردادا ب ا ق وكىلدەرىنىڭ ساۋالىنا وراي.
مينيستر اتالعان قۇبىرمەن گەرمانياعا بۇعان دەيىن مۇناي سىناما رەتىندە جىبەرىلگەندىگىن اتاپ ءوتتى.
«ياعني، سىرتقى نارىققا مۇنايدى ۇلكەن كولەمدە جەتكىزۋ مۇمكىندىگىن زەردەلەپ جاتىرمىز. اتالعان جەتكىزىلىمنىڭ قورىتىندىسىندا ونىڭ كولەمىن ارتتىرۋ جايىندا ايتۋعا بولادى»، - دەدى مينيستر.
ەستەرىڭىزگە سالا كەتەيىك، اقوردادا مەملەكەت باسشىسى قاسىم-جومارت توقايەۆ پەن ەلىمىزگە مەملەكەتتىك ساپارمەن كەلگەن گەرمانيانىڭ فەدەرالدى پرەزيدەنتى فرانك-ۆالتەر شتاينمايەر اراسىندا كەلىسسوز ءوءوتىپ جاتىر.