«قازاقستان حالقىنا» قورى تەك رەسمي اقپاراتقا سەنۋگە شاقىردى
الاياقتار قايىرىمدىلىق ۇيىمدارىنىڭ ءبىرىڭعاي پلاتفورماسىن پايدالانىپ، قازاقستاندىقتار اتىنا نەسيە راسىمدەۋگە تالپىنۋدا. بۇل تۋرالى «قازاقستان حالقى» قورىنىڭ باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz
تەك دەمالىس كۇندەرى «اتامەكەن» ۇكپ بايلانىس ورتالىعىنا وسىنداي شاعىمدارمەن 250 ادام جۇگىنسە، دۇيسەنبى، 7 اقپاندا وسى تەكتەس تاعى 186 قوڭىراۋ تۇسكەن.
وتىنىشتەردىڭ بىرىندە شىمكەنت قالاسىنىڭ تۇرعىنى اتاmekenim.kz سايتىندا كومەككە ءوتىنىش بەرىپ، بارلىق مالىمەتتى تولتىرعاننان كەيىن ەكراندا نەسيەنىڭ ءساتتى وڭدەلگەنى تۋرالى اقپارات پايدا بولعانىن، سودان كەيىن وعان ودان ءارى اقشالاي نەسيە راسىمدەۋ تۋرالى ۇسىنىسپەن بەينەقوڭىراۋ تۇسكەن.
ءدال وسىنداي وقيعا وسكەمەندە دە بولعان. وندا قالا تۇرعىنىنا ەلەكتروندى ۇكىمەتتىڭ جالعان پورتالى اتىنان SMS-حابارلاما جىبەرىلىپ، ودان كەيىن اقشالاي كومەك تۇرىندە 1 166 000 تەڭگە الۋ ءۇشىن جولدانعان SMS كودىن اتاۋدى سۇراعان الاياق تەلەفون سوققان.
قوردىڭ الەۋمەتتىك جەلىدەگى مەسسەندجەرلەرىنە «قازاقستان حالقىنا» قورى اتىنان تەلەفون سوققان الاياقتار تولەۋگە ۋادە ەتكەن 42 500 تەڭگە كولەمىندەگى الەۋمەتتىك جاردەماقىعا قاتىستى سۇراقتار كەلىپ تۇسكەن.
«قور مەسسەندجەرلەر ارقىلى بەينە نەمەسە اۋديوقوڭىراۋلار جاسامايدى. جالعىز بايلانىس قۇرالى – qazaqstanhalqyna.kz سايتى جانە atamekenim.kz قايىرىمدىلىق ۇيىمدارىنىڭ ءبىرىڭعاي پلاتفورماسى. ءبىز ازاماتتاردىڭ قاۋەسەتتەرگە سەنبەۋىن جانە الاياق ۇيىمداردىڭ ارانداتۋىنا بەرىلمەۋدى سۇرايمىز. تەك رەسمي اقپاراتقا سەنىڭىز»، – دەيدى «قازاقستان حالقىنا» قورىنىڭ رەسمي وكىلى الىبەك ءابدىلوۆ.
سونداي-اق مۇنداي الاياقتىق فاكتىلەرىن ايتىپ، جەرلەستەرىن ەسكەرتىپ جۇرگەن قامقور جاندارعا العىسىن ءبىلدىردى.