الماتىدا جاڭا الەۋمەتتىك كودەكس اياسىنداعى زەينەتاقى جۇيەسىندەگى وزگەرىستەر تۋرالى ايتىلدى

جاڭا الەۋمەتتىك كودەكس جوباسى مەملەكەت باسشىسىنىڭ قاراۋىنا ۇسىنىلىپ، 1 شىلدەدەن باستاپ كۇشىنە ەنەدى.

قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ۆيسە-مينيسترى نازگۇل ساعىندىقوۆا الەۋمەتتىك كودەكس نورمالارىن ءتۇسىندىرۋ بويىنشا جۇمىس ساپارىن مەگاپوليستىڭ حالىقتى جۇمىسپەن قامتۋ ورتالىعىنا، الەۋمەتتىك قىزمەتتەر ۇيىنە بارۋدان باستادى، سونىمەن قاتار وڭىرلىك كوممۋنيكاسيالار قىزمەتى الاڭىندا بريفينگ وتكىزدى، دەپ حابارلايدى Almaty-akshamy.kz

ۆەدومستۆونىڭ مالىمەتىنشە، قازىرگى جۇيە زەينەتكەرلەردىڭ 3 ۇرپاعىن قامتيتىن بولادى. قۇجات بازالىق زەينەتاقىنىڭ مولشەرىن ارتتىرۋدى كوزدەيدى، 2024 جىلدىڭ 1 قاڭتارىنان باستاپ بولاشاق زەينەتكەرلەر ءۇشىن جۇمىس بەرۋشىلەردەن قوسىمشا زەينەتاقى جارنالارى ەنگىزىلەدى.

«وزگەرىستەردە 1998 جىلعا دەيىن جانە 1998 جىلدان كەيىن زەينەتكەرلىككە شىققان زەينەتكەرلەر زەينەتاقى تولەمدەرىنىڭ نەگىزگى بولىگىن مەملەكەتتەن، ال بولاشاق زەينەتكەرلەر جيناقتاۋشى زەينەتاقى جۇيەسىنەن الاتىن بولادى»، - دەپ ءتۇسىندىردى ۆيسە-مينيستر.

سونىمەن قاتار، كودەكس نورمالارى ينۆەستورلارعا ءوز اكتيۆتەرىن باسقارۋعا مۇمكىندىك بەرەدى. ازاماتتار بەلگىلەنگەن جەتكىلىكتىلىك شەگىن ەمدەۋگە جانە تۇرعىن ءۇي ساتىپ الۋعا جۇمساي الادى. سالىمشىلار الىنعاننان كەيىن قالعان زەينەتاقى جيناقتارىنىڭ نەمەسە بارلىق جيناقتالعان سومانىڭ 50%-دان اسپايتىن بولىگىن جەكە باسقارۋعا بەرە الادى.

«بۇل رەتتە، زەينەتاقى جيناقتارىنىڭ ساقتالۋىنا مەملەكەتتىك كەپىلدىك تەك ۇلتتىق بانك باسقاراتىن جيناقتاردىڭ بولىگىنە عانا قولدانىلاتىنىن اتاپ وتكەن ءجون»، - دەپ تولىقتىردى سپيكەر.

سونىمەن قاتار، ول ينۆەستورلار باسقارۋشى كومپانيالاردى تاڭداعان كەزدە ىقتيمال تاۋەكەلدەردى وزدەرى باعالاۋى كەرەك دەپ قوستى.