الماتىداعى سىرتقى جارىقتاندىرۋ ۇلەسى 2024 جىلى 85%-عا دەيىن جەتكىزىلىپ، 2025 جىلى 100%-عا جەتەدى. بۇل تۋرالى الماتى اكىمى ەربولات دوسايەۆ بوستاندىق اۋدانى تۇرعىندارىنىڭ سۇراعىنا جاۋاپ بەرۋ كەزىندە ايتتى، دەپ حابارلايدى aqshamnews.kz.
«ءار اۋدان بويىنشا جارىقتاندىرىلماعان كوشە بار. بىزدە سول كوشەلەردى جارىقتاندىرۋعا ارنالعان باعدارلاما بار. بوستاندىق اۋدانىندا مۇنداي 54 كوشە بار. بۇل ماسەلە «حالىق قاتىساتىن بيۋدجەت» باعدارلاماسى نەمەسە تىكەلەي قارجىلاندىرۋ ارقىلى شەشىلەدى. سونىمەن قاتار، «الماتى قالا جارىق» قىزمەتىنىڭ تيىمدىلىگىن ارتتىرۋ بويىنشا شارالار قابىلداندى. تۇرعىنداردىڭ ءوتىنىشى ەسكەرىلدى. كوشەلەر مەن اۋلالاردى جارىقتاندىرۋعا بولىنگەن قاراجات اۋداندارعا ءبولىندى، - دەپ قالا اكىمى جاعدايدىڭ ايتارلىقتاي جاقسارعانىن، ءبىراق ءالى دە جەتىلدىرۋ قاجەت ەكەنىن اتادى.
ەربولات دوسايەۆتىڭ ايتۋىنشا، سىرتقى جارىقتاندىرۋ ماسەلەسىمەن قوسا، ساياباقتاردى جارىقتاندىرۋ، عيماراتتار مەن قۇرىلىستاردى ساۋلەتتىك جارىقتاندىرۋ جايى دا شەشىلىپ كەلەدى.
بوستاندىق اۋدانىندا بيىل جىل باسىنان بەرى 1 846 شام اۋىستىرىلعان. بيىل كۇزدە تاعى 267 تىرەك پەن شام اۋىستىرىلدى. وسى كۇزدە شامدارى بار تاعى 267 تىرەك ورناتىلادى. سونىمەن قاتار، 2024 جىلدىڭ سوڭىنا دەيىن 9 ەسكەرتكىشكە تۇنگى جارىقتاندىرۋ ورناتۋ جوسپارلانعان.