قادىر مىرزا ءالي:  كەمپىردى كەمپىر دەمەي، كوپ جاساعان قىز دەۋ كەرەك

ايەل ءوزى ەشتەڭە ىستەي الماسا دا،
كۇيەۋىنە ىستەتۋگە شەبەر.
***
كەيبىر ايەل ەركەكتەن پرەزيدەنت جاساي بىلەدى،
ال ەركەك ءارى كەتكەندە وعان ۇيلەنىپ تىنادى.
***
ايەلدىڭ ەكى-اق جولى بار:
نە الداۋ، نە الدانۋ.
***
بارلىعىنا باس ايەل،
ماحابباتقا ماس ايەل.
جان بەرەتىن دە وسى ايەل،
جان الاتىن دا وسى ايەل.
***
كورىكتى سۇلۋ – كوز قۋانىشى.
***
كۇيەۋلەرى ساپاردا جۇرگەن كەيبىر كەلىنشەكتەر
بىرەر كۇندە قۇلپىرىپ شىعا كەلەدى.
***
ۇستىندەگى دەگەنىن ىستەيدى،
استىنداعى دەگەنىن ىستەتەدى.
***
ايەل جەڭە المايدى،
جەڭدىرمەيدى دە.
***
ۇياتى بار ايەل – شىنىندا دا ادەمى ايەل.
***
ايەلدىڭ تۋى – ەتەگى،
ەگەسپە!
قۇلاعىڭ ءتۇر كەڭەسكە،
ەگەسپە!
***
ورماندا اداسۋ – باقىت قوي،
ەكى ايەلدىڭ اراسىندا اداسساڭ،
بىرەۋىنەن ايىرىلاسىڭ.
***
ادەمىلىك – ارۋدىڭ قارۋى.
***
قىز بولماسا – ءبىز بولمايمىز.
***
كۇز – جەمىس،
قىز – ءونىس.
***
قىز – ءارى بازىنا، ءارى قازىنا.
***
قوناعى – قىرىق...
قوناعى بار ءۇيدىڭ قۇلاعى تۇرىك.
***
ەرسىز ايەل – جەسىر،
ايەلسىز ازامات – كەسىر...
***
ايەل – سىڭارىڭ، سەن ءۇشىن قۇت،
ايەلسىز ەركەك جۇرت ءۇشىن جۇت.
***
ەركەكتىڭ ءجونى ءبىر باسقا،
ايەلدىڭ ءجونى ءبىر باسقا.
ايەلمەن ەركەك – مارقاسقا،
ەركەكسىز ايەل – ءبىر قاسقا.
***
ەركەكتىڭ زورلاعانى –
ايەلدىڭ اقتالۋىنا جاقسى.
***
ەركەكتى قۇرتاتىن:
«بايقاپ كورسەم قايتەدى؟»
ايەلدى قۇرتاتىن:
«نەم كەتىپ بارادى؟»
***
ايەلدىڭ جالاڭاشى ەركەككە ەرسى كورىنبەيدى.
***
ىنجىق ەركەك
ايەلدىڭ جىنىن كەلتىرەدى.
***
ەركەكتەردەن كوڭىلى قالعان ايەل
كۇيەۋىمەن اجىراسىپ تىنادى.
***
كەيبىر ايەلدىڭ ءوزى كورىكسىز بولعانمەن،
قۇربىسى كەلىستى كەلەدى.
***
ايەلدىڭ قورعانىسى شابۋىلعا تاتيدى.
***
ءسوزۋار ايەلمەن سويلەسكەندە
بۇزىلعان ايەلدى ساعىناسىڭ.
***
ارۋ الدىرمايدى،
سايقال قامشى سالدىرمايدى.
***
بالا كەزدە اناڭنىڭ،
قارتايعاندا ايەلىڭنىڭ قامقورلىعىندا بولاسىڭ.
***
كەلىنشەگى سۇلۋ جىگىتكە شام جاعىپ كەرەگى جوق.
***
ادەمىلىككە اقىل قوسىلعاندا
جەڭىلمەيتىن جىگىت جوق.
***
ءوزى ادەمى، ءوزى اقىلدى ايەل
كەز-كەلگەن جىگىتتى جەتەكتەپ جۇرە بەرەدى.
***
ادەمىلىك پەن اقىل ءبىر باسقا قونباي،
ەكەۋى ەكى جاققا كەتسە، ايەلدىڭ سورى.
***
كەمپىردى كەمپىر دەمەي،
كوپ جاساعان قىز دەۋ كەرەك.
***
ەركەك ءوز اەرودرومىنان ۇشىپ،
ايەلدىڭ اەرودرومىنا قونادى.
جانارمايى تاۋسىلىپ بارا جاتسا،
باسقا جەرگە دە قونا سالادى.