“زاڭسىز كەلۋشى” جەدەل الدىن الۋ ءىس-شاراسى جۇرگىزىلىپ جاتىر.
ول قالا اۋماعىندا زاڭسىز كوشى-قون ارنالارىنىڭ جولىن كەسۋ ماقساتىندا جۇرگىزىلەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
2023 جىلعى 19 ماۋسىم مەن 25 ماۋسىم ارالىعىندا جۇرگىزىلىپ جاتىر.
«ءىس-شارانىڭ ءبىرىنشى كۇنى كوشى-قون زاڭناماسىن بۇزۋشى 141 ادام انىقتالىپ، اكىمشىلىك جاۋاپكەرشىلىككە تارتىلدى، ونىڭ ىشىندە شەتەل ازاماتىنىڭ سانى – 109. سوت شەشىمىمەن 13 شەتەلدىك قازاقستاننان شىعارىلدى. شەتەلدىكتەردىڭ قازاقستان رەسپۋبليكاسىندا بولۋىنىڭ زاڭدىلىعىن قامتاماسىز ەتۋ شارالارىن قولدانباعانى ءۇشىن قابىلداۋشى 29 جەكە جانە زاڭدى تۇلعا اكىمشىلىك جاۋاپكەرشىلىككە تارتىلدى. قر-عا شەتەلدىك جۇمىس كۇشىن تارتۋ ەرەجەلەرىن بۇزعان 3 جۇمىس بەرۋشىگە ايىپپۇل سالىندى. پد-نىڭ قابىلداپ-تاراتۋىنا جەكە باسىن كۋالاندىراتىن قۇجاتى جوق 70 شەتەلدىك ورنالاستىرىلدى»، – دەدى الماتى قالاسى پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
سونىمەن قاتار بايانداماشىنىڭ ايتۋىنشا، ءىس-شارا بارىسىندا زاڭسىز كوشى-قون ارناسىن ۇيىمداستىرۋدىڭ ءبىر دەرەگى انىقتالدى.