X حالىقارالىق «باستاۋ» كينوفەستيۆالى 2022 جىلدىڭ 29 قاراشاسى مەن 3 جەلتوقسانى ارالىعىندا وتەدى.
«باستاۋ» حالىقارالىق ستۋدەنتتىك جانە دەبيۋتتىك فيلمدەر فەستيۆالى اياسىندا قانداي كارتينالار كورسەتىلەتىنى بەلگىلى بولدى، دەپ حابارلايدى Almaty-akshamy.kz.
وتاندىق كينو سەكسياسىندا اسقار ۇزابايەۆتىڭ «باقىت» ءفيلمى كورسەتىلەدى. ايتا كەتسەك، تۇرمىستىق زورلىق-زومبىلىق ماسەلەسىن كوتەرەتىن تۋىندى جىل باسىندا 72ء-شى بەرلين كينوفەستيۆالىنىڭ "پانوراما" باعدارلاماسىندا باس جۇلدە – كورەرمەندەر سىيلىعىن جەڭىپ العان ەدى.
سونداي-اق كورەرمەن نازارىنا ۇلتتىق كينونى قولداۋ مەملەكەتتىك ورتالىعىنىڭ كومەگىمەن تۇسىرىلگەن ءادىلحان ەرجانوۆتىڭ «ادەموكانى وقىتۋ» جانە قازاقستان مەن رەسەي كينوگەرلەرىنىڭ بىرلەسكەن «تارلان» فيلمدەرى دە كورسەتىلەدى.
X حالىقارالىق «باستاۋ» ستۋدەنتتىك جانە دەبيۋتتىك فيلمدەر فەستيۆالىنىڭ تولىقمەتراجدى فيلمدەر بايقاۋىنا ەلدار شيبانوۆتىڭ «تاۋ جۋاسى» دەبيۋتتىك ءفيلمى قاتىسادى.
2021 جىلى بۇل ءفيلمنىڭ جوباسى بايقاۋدى وتكىزگەن يتاليانىڭ مادەنيەت مينيسترلىگىنىڭ قولداۋىمەن قۇرىلعان ۆەنەسيا بيەننالەسىندەگى كينوزەرتحانا - Biennale College Cinema كونكۋرسىنىڭ ءفيناليسى بولدى. ال 2022 جىلدىڭ قىركۇيەگىندە ايگىلى ۆەنەسيا كينوفەستيۆالىندە ونىڭ الەمدىك پرەمەراسى ءوتتى.
رەجيسسەردىڭ ءوزى مويىنداعانداي، ول ءوز كارتيناسىندا مۇلدەم باسقا قازاقستاندى كورسەتكىسى كەلگەن. كينوكارتينادا اۋىلدا تۇراتىن حيپستەر وتباسىنىڭ، تاس جولدا تاۋ جۋاسىمەن ساۋدا جاسايتىن جانە اتا-انالارىن تاتۋلاستىرۋ ءۇشىن قىتايعا باراتىن بالانىڭ وقيعاسى باياندالادى.
سونداي-اق دەرەكتى جوبالاردىڭ كونكۋرستىق باعدارلاماسىنا قاتىساتىن ۆيكتور ۆيلكوۆيسكييدىڭ «تەڭىزدىڭ ورالۋى» عىلىمي-دەرەكتى ءفيلمى كورەرمەندەرگە ارال تەڭىزى جايلى اقپارات الۋعا مۇمكىندىك بەرەدى.
ال «باستاۋ» فەستيۆالىنىڭ جابىلۋىندا ءمادي بالجانوۆتىڭ «ءسۇتتى قىز» تولىقمەتراجدى دەبيۋتتىك ءفيلمى كورسەتىلەدى. بۇل - رومانتيكالىق كومەديا، بۇگىندە سىنشىلار ونى «قازاقستاننىڭ امەليى» دەپ تە اتاپ كەتكەن. سوڭعى ەكى فيلم دە كينوورتالىقتىڭ قولداۋىمەن تۇسىرىلگەن.
كينوفەستيۆالدى الماتى قالاسى اكىمدىگىنىڭ قولداۋىمەن Tanaris Production كينوكومپانياسى ۇيىمداستىرادى. فەستيۆال سەرىكتەستەرى: مادەنيەت جانە سپورت مينيسترلىگى، ت. جۇرگەنوۆ اتىنداعى قازاق ۇلتتىق ونەر اكادەمياسى، «تۇران» ۋنيۆەرسيتەتىنىڭ Turan Film Academy جوعارى مەكتەبى جانە ءال-فارابي اتىنداعى قازاق ۇلتتىق ۋنيۆەرسيتەتى.
فەستيۆالگە «حابار»، «الماتى»، ستۆ جانە Qazaqstan تەلەارنالارى، «ەلدوراديو» راديوسى، «تەنگرينيۋس» جانە Lifestyle پورتالدارى، «ەگەمەن قازاقستان»، «كازاحستانسكايا پراۆدا»، «انتەننا كازاحستان»، «نوۆايا گازەتا»، «الماتى اقشامى»، «ۆەچەرنيي الماتى»، «ارگۋمەنتى ي فاكتى قازاقستان» گازەتتەرى، Massaget.kz پورتالى، «ەكسپرەسس ك»، «365 ينفو»، Orda.kz جانە Kazakh24.info سايتتارى اقپاراتتىق قولداۋ كورسەتەدى.