قالادا 32 جاتاقحانا جۇمىس ىستەيدى.
بۇل دەرەكتى وكق الاڭىندا وتكەن بريفينگتە الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆا كەلتىردى، دەپ حابارلايدى Almaty-akshamy.kz
سپيكەر مالىمەتىنشە، الماتىدا بارلىعى 85 كوللەدج جۇمىس ىستەيدى، ونىڭ ىشىندە 23 مەملەكەتتىك جانە 62 جەكەمەنشىك، وندا ستۋدەنتتەردىڭ جالپى كونتينگەنتى 80 205 ادامدى قۇرايدى.
جىل سايىن مەملەكەتتىك تاپسىرىس كولەمى ۇلعايادى، ەگەر 2021 جىلى 11 405 ورىن بولسا، اعىمداعى جىلى - 16 500 ورىن، ءوسىم 5 095 ورىندى نەمەسە 44،6% قۇرادى.
وسىنىڭ ارقاسىندا تەگىن تەحنيكالىق جانە كاسىپتىك بىلىممەن قامتۋ 2021 جىلمەن سالىستىرعاندا 3 300 ورىنعا نەمەسە 10% - عا ءوستى (2021 جىلى - 36 478 ادام، 2022 جىلى - 39 618 ادام).
قالادا 32 جاتاقحانا جۇمىس ىستەيدى، وندا 3556 ستۋدەنت تۇرادى، ونىڭ ىشىنە 2500 توسەك-ورىنعا ارنالعان 12 مەملەكەتتىك كوللەدج جانىنداعى 13 جاتاقحانا، جانە جوو جانىنداعى جەكە كوللەدجدەردەگى 1256 توسەك-ورنى بار 19 جاتاقحانا كىرەدى.
قازىرگى ۋاقىتتا قالادان تىس تۇراتىن ستۋدەنتتەرگە ارنالعان ستۋدەنتتىك جاتاقحانالاردا ورىن تاپشىلىعى 2500-دەن استام توسەك-ورىندى قۇرايدى.
بۇل ماسەلەنى شەشۋ بويىنشا ءبىرقاتار شارالار قابىلداندى:
- بيىل ناۋرىز ايىندا الماتى قۇرىلىس-تەحنيكالىق كوللەدجىنىڭ ىرگەلەس اۋماعىندا 60 ورىندىق جاتاقحاناسى اشىلدى؛
- بيىل 12 شىلدە اكىمدىكتىڭ قاۋلىسىمەن الماتى ءسان جانە ديزاين كوللەدجىنە 300 ورىندىق جاتاقحاناعا عيمارات بەرىلدى؛
- 2022 جىلدىڭ سوڭىندا 150 ورىندىق سەرۆيستىك قىزمەت كورسەتۋ كوللەدجىنە ارنالعان جاتاقحاناعا ارنالعان 4 قاباتتى عيمارات ساتىپ الىندى. بۇگىنگى تاڭدا جاتاقحانادا اعىمداعى جوندەۋ جۇرگىزۋ ءۇشىن جەرگىلىكتى بيۋدجەتتەن 70 ملن. تەڭگە ءبولىندى.
وسى جىلدىڭ 1 قىركۇيەگىنە 510 توسەك-ورىنعا ارنالعان 3 جاتاقحانا اشۋ جوسپارلانۋدا.
“ءبىزدىڭ باستى مىندەتىمىز – كادرلاردى دايارلاۋ ساپاسىن ارتتىرۋ، سوندىقتان ءبىز تالىمگەرلىك ينستيتۋتىن ەنگىزۋ، قۇزىرەتتىلىك ورتالىقتارىن قۇرۋ، وندىرىستىك وقىتۋ شەبەرلەرى مەن ارنايى پاندەر وقىتۋشىلارىنىڭ ساپاسىن شەتەلدە تاعىلىمدامادان وتكىزۋ ارقىلى ارتتىرۋ بويىنشا كەڭ اۋقىمدى جۇمىستى باستادىق”،- دەپ قورىتىندىلادى ل.جىلقىبايەۆا.