ونىڭ ىشىندە 56 بالا ەمدەلىپ جاتىر.
الماتىدا كوروناۆيرۋس جۇقتىرعان 1028 ناۋقاس ەم قابىلداپ جاتىر، دەپ حابارلايدى Almaty-akshamy.kz.
14 اقپان كۇنگى اقپارات بويىنشا، ءبىر تاۋلىكتە قالادا 480 ادام كوروناۆيرۋس جۇقتىرعان. بارلىق ەمدەلىپ شىققاندار – 250، كەلىپ تۇسكەنى – 75.
ينفەكسيالىق ستاسيونارلاردا 1 028 ادام بار (توسەك-ورىن - 3310). ونىڭ ىشىندە 56 بالا ەمدەلىپ جاتىر.
سونداي-اق، رەانيماسيا جانە قارقىندى تەراپيا بولىمىندە 82 ادام جاتىر. ال 23 ناۋقاس جاساندى تىنىس الۋ اپپاراتىنا قوسىلعان.
«ءينۆازيۆتى ەمەس جاساندى تىنىس الۋ اپپاراتىندا 26 ادام ەم قابىلداۋدى جالعاستىرۋدا. High flow-دا 15 اپپارات جۇمىس ىستەيدى. مەديسينالىق-سانيتارلىق العاشقى كومەك ءموبيلدى بريگادالارىنىڭ جانە تەلەمەديسينا ورتالىعىنىڭ امبۋلاتوريالىق باقىلاۋىندا 3 841 پاسيەنت بار»، - دەلىنگەن الماتى قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ حابارلاماسىندا.
ونىڭ ىشىندە ىندەت بەلگىلەرى بار، ورتاشا اۋىر جاعدايدا 3 598 ناۋقاس، سيمپتومسىز 243 ناۋقاس بار.