عىلىمي-زەرتتەۋ ينستيتۋتىنىڭ «Uly dala» عىلىمي جۋرنالى الەۋمەتتىك جانە قالالىق زەرتتەۋلەرگە باعىتتالعان.
ءار شىعارىلىمدا ءتۇپنۇسقا ماقالالار، سونداي-اق سۇحبات، رەسەنزيالار جاريالانادى.
جۋرنالدى باسىپ شىعارۋداعى نەگىزگى ماقساتى -- قالالىق جانە الەۋمەتتىك زەرتتەۋلەر سالاسىنداعى وزەكتى ىرگەلى جانە قولدانبالى عىلىمي زەرتتەۋلەردىڭ ناتيجەسىن جاريالاۋ. «الماتى باس جوسپارى» عىلىمي-زەرتتەۋ ينستيتۋتى» عىلىمي ءبولىمى سالالىق عىلىمي زەرتتەۋلەرگە ارنالعان جۋرنال شىعارۋعا باستاماشى بولدى.
«جۋرنالدى دامىتۋعا وراي، ساراپشىلار مەن مامانداردى يدەيا ايتۋعا، تاجىريبە بولىسۋگە شاقىرامىن. وسىلايشا، ءبىز نەعۇرلىم تۇراقتى، كرەاتيۆ جانە فۋنكسيالىق ساۋلەت شەشىمدەرىن بىرگە قۇرا الامىز»، -- دەپ اتاپ ءوتتى قالالىق جوسپارلاۋ جانە ۋربانيستيكا باسقارماسىنىڭ باسشىسى نۇرلان بورانبايەۆ.
«جۋرنالدىڭ عىلىمي باسىلىمدارىندا قالا قۇرىلىسى، قالا جانە ودان تىس جەرلەردەگى الەۋمەتتىك قاتىناس، ەكولوگيا، لاندشافت جانە قورشاعان ورتانى جوبالاۋ ماسەلەلەرى تالقىلانادى. ماتەريالداردىڭ باسىم بولىگى الەۋمەتتىك-ەكونوميكالىق زەرتتەۋلەر، قۇقىقتىق رەتتەۋدى تالداۋ، قالالىق جانە وڭىرلىك جوسپارلاۋ، اۋماقتاردىڭ ينفراقۇرىلىمدىق جانە مادەني دامۋ، تابيعي جانە قالالىق ورتانى، كولىك پەن ۇتقىرلىقتى دامىتۋعا ارنالادى»، -- دەيدى «الماتى باس جوسپارى» عزي باس ديرەكتورى اسحات سادۋوۆ.
اۆتورلاردىڭ ايتۋىنشا، جۋرنال زاماناۋي ساۋلەت پەن قالا قۇرىلىسىنىڭ وزەكتى ماسەلەلەرىن تالقىلاۋ جانە شەشۋ، وزىق ادىستەمەلىك، ۇيىمداستىرۋشىلىق جانە باسقارۋ تاجىريبەسىن انىقتاۋ جانە تاراتۋ ءۇشىن ءبىرىڭعاي كوممۋنيكاسيالىق الاڭ قۇرۋعا ىقپال ەتەتىن بولادى.
«عىلىمي باسىلىم عزي-دىڭ جوباسى، ازىرلەمەسى مەن قىزمەتىن كورسەتەتىن بولادى. مىسالى، «الماتىباسجوسپار» قالانىڭ اەراسياسىن ازىرلەۋگە قاتىستى ءقازىر قالا اۋماعىنداعى بارلىق تاريحي ەسكەرتكىش پەن قورعانداردى تۇگەندەۋ جونىندەگى جۇمىسى، حالىقارالىق تاجىريبە الماسۋ جۇرگىزىلۋدە. ءبىز بارلىق عىلىمي جۇمىس تۋرالى جۋرنالىمىزدا جازاتىن بولامىز. سونداي-اق، ۋربانيستەر مەن ساۋلەتشىلەردى جۋرنالدىڭ دامۋىنا ءوز ۇلەسىن قوسۋعا شاقىرامىز»، -- دەدى «الماتى باس جوسپارى» عزي» ج ش س عىلىم جونىندەگى ديرەكتورى ەرلان سالتىكوۆ.
ءبىرىنشى شىعارىلىمعا مىناداي ماتەريالدار كىردى: الماتى قالاسىنداعى اۋا ساپاسىنا اسەر ەتەتىن اسپەكتى مەن ىقتيمال جوسپارلاۋ شەشىمدەرى، قالا تۇرعىنىنىڭ ساۋالناماسىن ازىرلەۋشىلەرمەن سۇحبات، رەتتەۋدىڭ ۇتقىر تاجىريبەسى، سونىڭ ىشىندە، ديزاين-كود پەن حالىقتىڭ قاتىسۋ بيۋدجەتى، وڭىرلەردەگى اۋىلدىق كوشى-قون پەن ۇيگە دەگەن كوزقاراس، قالالىق قوعامداستىق پەن جاڭا تۇرعىن ءۇي كەشەندەرىندەگى جاڭا ورتا تاپتىڭ قالىپتاسۋى، ت.ب. جۋرنال جىلىنا ءتورت رەت (توقسان سايىن) شىعادى.