بۇل ەسىمدى جەلى پايدالانۋشىلارى تاڭداپ بەرگەن.
زووباقتاعى گيمالاي ايۋىنىڭ قونجىعىنا «ياسسۋري» دەگەن ات قويىلدى، دەپ حابارلايدى Almaty-akshamy.kz.
الماتى زووباعىنىڭ باسپا ءسوز قىزمەتىنەن حابارلاعانداي، قونجىققا ات قويۋ ءۇشىن الەۋمەتتىك جەلى ارقىلى ۇسىنىستار قابىلدانعان.
«وقىرمانداردىڭ كوپشىلىگى «ياسسۋري» دەگەن ەسىمگە داۋىس بەردى. سەبەبى، بۇل جەردە قونجىقتىڭ اكەسى مەن ەنەسىنىڭ ەسىمدەرى بىرىكتىرىلگەن. اكەسىنىڭ اتى - «ياشين» بولسا، ەنەسى - «ۋسسۋري»، ەكەۋىن قوسقاندا «ياسسۋري» بولادى. ءبىز دە بارلىق نۇسقالاردىڭ ىشىنەن وسىعان توقتاپ، تاڭداپ الدىق»، - دەپ حابارلادى زووباقتىڭ باسپا ءسوز قىزمەتى.
سونداي-اق، ءقازىر «ءياسسۋريدىڭ» حال-جاعدايى جاقسى، ەنەسىنىڭ قاسىندا جۇرگەنى ايتىلدى.