مەگاپوليس تۇرعىندارى مەن قوناقتارى زياتكەرلىك ۆيكتوريناعا قاتىسا الادى، جەڭىمپازدارعا كىتاپ تولى سەبەتتەر سىيعا بەرىلەدى.
28-30 مامىر ارالىعىندا الماتى قالاسىنداعى ش. ءۋاليحانوۆ الاڭىندا «الماتى كىتاپ جارمەڭكەسى» وتەدى، دەپ حابارلايدى Almaty-akshamy.kz
شارانىڭ ۇيىمداستىرۋشىسى: قازاقستان رەسپۋبليكاسىنىڭ مادەنيەت جانە سپورت مينيسترلىگى، الماتى قالاسىنىڭ اكىمدىگى، قازاقستان رەسپۋبليكاسىنىڭ ۇلتتىق مەملەكەتتىك كىتاپ پالاتاسى.
جارمەڭكەگە قاتىساتىن باسپالار مەن كىتاپ دۇكەندەرى وقۋشىلار، جاستار مەن ستۋدەنتتەرگە باسپا ءونىمىن ارزان باعادا ساتىپ الۋعا ءتۇرلى جەڭىلدىكتەر جاسايدى.
ۇلتتىق مەملەكەتتىك كىتاپ پالاتاسى الاش قوزعالىسىنىڭ ارىستارىنىڭ، ۇلت قايراتكەرلەرىنىڭ ءحىح عاسىر سوڭى مەن حح عاسىر باسىندا جارىق كورگەن كىتاپتارىنىڭ ءتۇپنۇسقاسىن كوپشىلىك نازارىنا ۇسىنادى.
28-30 مامىر ارالىعىندا الماتى قالاسىنداعى ش. ءۋاليحانوۆ اتىنداعى الاڭدا «الماتى كىتاپ جارمەڭكەسى» وتەدى. ءىس شاراعا باسپاگەرلەر، جاقىن شەتەلدەن كەلەتىن ارنايى دەلەگاسيا (قىرعىزستان، رەسەي)، وتاندىق 50-دەن استام وتاندىق باسپالار مەن كىتاپ دۇكەندەرى قاتىسادى.
«الماتى كىتاپ جارمەڭكەسىنىڭ» ماقساتى – باسپا مەكەمەلەرى مەن كىتاپ دۇكەندەرىنىڭ ساۋداسىن جانداندىرۋ، كىتاپ نارىعىنداعى تۇيتكىلدى ماسەلەلەردىڭ وڭ شەشىلۋىنە ۇلەس قوسۋ،كىتاپ مادەنيەتىنىڭ دامۋىنا سەرپىن بەرۋ؛ وقىرمان مەن اۆتور اراسىنداعى بايلانىستى نىعايتۋ، كىتاپ وقۋ مادەنيەتىن قالىپتاستىرۋ جولىندا دانەكەرلىك تانىتۋ جانە شەتەلدىك ارىپتەستەرمەن تاجىريبە الماسۋ الاڭىن ۇيىمداستىرۋ.
پوەزياعا قىزىعۋشىلىق تانىتاتىن اقىندار مەن ستۋدەنتتەر ءوز شىعارمالارىن ۇسىنادى، ال وتاندىق ەسترادا ورىنداۋشىلارى مەرەكەلىك كونسەرت بەرەدى. بەلگىلى اقىندار مەن جازۋشىلار ءوز كىتاپتارىن ۇسىنىپ، قولتاڭبا سەسسياسىن وتكىزەدى. بەلگىلى جازۋشى روللان سەيسەنبايەۆ ساتۋدان تۇسكەن قاراجاتتى قايىرىمدىلىق قورىنا بەرۋگە نيەتتى.
مەگاپوليس قوناقتارى مەن تۇرعىندارى زياتكەرلىك ۆيكتورينالارعا قاتىسا الادى، جەڭىمپازدارعا كىتاپ سەبەتتەرى تابىس ەتىلەدى. جارمەڭكەگە قاتىساتىن باسپالار مەن كىتاپ دۇكەندەرى وقۋشىلار مەن ستۋدەنتتەرگە باسپا ونىمدەرىن ساتىپ الۋعا جەڭىلدىكتەر ۇسىنادى.
سونىمەن قاتار، جارمەڭكەدە قازاقستان رەسپۋبليكاسى ۇلتتىق مەملەكەتتىك كىتاپ پالاتاسىنىڭ «سيرەك كىتاپتار مەن قولجازبالار مۇراجايى» ەكسپوناتتارى ۇسىنىلادى. بارلىق تىلەك بىلدىرۋشىلەر XIX عاسىردىڭ اياعى مەن XX عاسىردىڭ باسىندا شىققان الاش قايراتكەرلەرىنىڭ ءتۇپنۇسقا كىتاپتارىمەن تانىسا الادى.
ايتۋلى كۇندەرى باسپا ءىسىن، كىتاپ ساتۋدى، زاماناۋي بالالار ادەبيەتىن دامىتۋ بويىنشا دوڭگەلەك ۇستەلدەر وتەدى، وندا ماماندار وسى ماسەلەلەردى ەگجەي-تەگجەيلى تالقىلايدى.
ب ا ق ءۇشىن بايلانىس مالىمەتتەرى:
قازاقستان رەسپۋبليكاسىنىڭ ۇلتتىق مەملەكەتتىك كىتاپ پالاتاسى
8-727-397-61-15، 8 747 334 55 01