بۇل جىلقىلار حايۋاناتتار باعىنىڭ ارقاسىندا عانا امان قالدى
الماتى زووباعىندا پرجيەۆالسكيي جىلقىسىنىڭ قاتارى دا تولىعا ءتۇستى، دەپ حابارلايدى Almaty-akshamy.kz.
زووباقتىڭ باسپا ءسوز قىزمەتىنىڭ مالىمەتىنشە، پرجيەۆالسكيي جىلقىسىنىڭ قۇلىنىنا كارمەلا اتى بەرىلگەن.
«بۇل جىلقىلار حايۋاناتتار باعىنىڭ ارقاسىندا عانا امان قالدى دەپ ايتا الامىز. پرجيەۆالسك جىلقىسىنىڭ جاڭا ءتولىنىڭ ومىرگە كەلۋى – ۇلكەن قۋانىشتى جاعداي. كىشكەنتاي قۇلىننىڭ تابەتى جاقسى، سەرگەك بولىپ ءوسىپ كەلەدى. كىشكەنتاي كارمەلاعا مىقتى دەنساۋلىق، ۇزاق ءومىر تىلەيمىز»، - دەپ جازىلعان الماتى زووباعىنىڭ Instagram-پاراقشاسىندا.
پرجيەۆالسك جىلقىسى – جەر بەتىندە ءبىزدىڭ داۋىرىمىزدەن بۇرىن پايدا بولعان. زووباقتىڭ حابارلاۋىنشا، ولار ازيا قۇرلىعىنداعى جابايى جىلقىلاردىڭ ىشىندەگى ەڭ سيرەك كەزدەسەتىن ءتۇرى.
«اتاقتى ورىس گەوگرافى جانە زەرتتەۋشىسى، پولكوۆنيك نيكولاي پرجيەۆالسكيي بۇل جابايى جىلقى ءتۇرىن 1878 جىلى ورتالىق ازياداعى لوب-نور كولىنىڭ ماڭىندا كەزدەستىرگەن. وسى جاڭالىق اشىلعاننان كەيىن پرجيەۆالسك جىلقىلارى دەپ اتالىپ كەتكەن. ولار قازاقستاننىڭ عانا ەمەس، دۇنيەجۇزىنىڭ «قىزىل كىتابىنا» ەنگىزىلگەن»،- دەدى زووباق وكىلدەرى.
بۇعان دەيىن الماتى زووباعىندا كەرىك تولدەگەنىن جازعان بولاتىنبىز.