ەۆاكۋسيالانعانداردىڭ نەگىزگى بولىگى ءوز ۇيلەرىنە ورالدى
قوستاناي وبلىسىنداعى تجم جەدەل شتباى تابيعي ورتكە قاتىستى بۇگىن ساعات 8.00-دەگى دەرەكتەردى جاريالادى، دەپ حابارلايدى Almaty-akshamy.kz.
ونداعى مالىمەتتەرگە قاراعاندا، ەلدى مەكەندەرگە ءقاۋىپ جوق. جالىنداپ جانىپ جاتقان ۋچاسكەلەر قالماعان، قالدىق وت وشاقتارىن ءسوندىرۋ جۇمىستارى جۇرگىزىلۋدە. ءتورت اۋماقتا (امانقاراعاي، لەسنوە، وزەرنوە جانە باعانالى اۋىلدارى) قاراۋىلداۋ شارالارى ۇيىمداستىرىلعان. ازداعان جاڭبىر جاۋعاندىقتان، اۋا ىلعالدىعى كۇشەيدى.
«وزەرنوە، لەسنوە جانە امانقاراعاي اۋىلدارىندا جاعداي تۇراقتالدى. وزەرنوە، امانقاراعاي اۋىلدارىندا تەك لوكالدى ءورت وشاقتارىنىڭ بىقسۋى بايقالادى. ءورت ءسوندىرۋ باستالعان ساتتەن باستاپ تىكۇشاقتار اۋەدەن 243 رەت سۋ شاشتى. كۇشتەر مەن قۇرالدار نەگىزگى جۇمىس جۇرگىزەتىن باعانالى اۋداندارىنا قايتا توپتاستىرىلدى، وندا جەردى جىرتۋ جۇمىستارىن جۇرگىزۋ ءۇشىن قورعانىس مينيسترلىگى مەن جەرگىلىكتى اتقارۋشى ورگانداردىڭ ينجەنەرلىك تەحنيكاسى دا جۇمىلدىرىلادى»، - دەلىنگەن حابارلامادا.
ءورت باستالعاننان بەرى بارلىعى 2091 ادام ەۆاكۋاسيالاندى (3 قىركۇيەكتە امانقاراعاي، وزەرنوە جانە لەسنوە اۋىلدارىنان - 1841 ادام، 5 قىركۇيەكتە باعانالى اۋىلىنان قازانباسى اۋىلىنا - 250 ادام). اۋليەكول ورتا مەكتەبىنىڭ (21 ادام)، مەكتەپ-ينتەرناتىنىڭ (1 ادام)، قازانباسى ورتا مەكتەبىنىڭ (20 ادام) ەۆاكۋاسيالاۋ پۋنكتىندە 42 ادام، ونىڭ ىشىندە 14 بالا بار. ەۆاكۋسيالانعانداردىڭ نەگىزگى بولىگى ءوز ۇيلەرىنە ورالدى، قالعاندارى تۋىستارىنىڭ ۇيىندە.
«بارلىعى 91 تۇرعىن ءۇي زارداپ شەكتى: 85ء-ى امانقاراعاي اۋىلىندا جانە 6-اۋى وزەرنىي اۋىلىندا. ۋچاسكەلەردەگى ءورتتى سوندىرۋگە قۇرامىندا تجم، ءىىم ۇۇ، قوستاناي قالاسىنداعى اكادەمياسىنىڭ، قورعانىس مينيسترلىگىنىڭ، جاو جانە وبلىستىڭ كوممۋنالدىق قىزمەتتەرىنىڭ كۇشتەرى مەن قۇرالدارى: 79 بىرلىك تەحنيكا، 6 اۋە كەمەسى، 2 ءورت ءسوندىرۋ پويىزى، جەكە قۇرامنان 721 ادام تارتىلدى. 12 ادام (7 تۇرعىن: كامەلەتتىك جاسقا تولماعان ءبىر ادام، ورمان شارۋاشىلىعىنىڭ 1 قىزمەتكەرى، اكىمدىكتىڭ 1 قىزمەتكەرى، تجم 3 قىزمەتكەرى) جەڭىل جانە ورتاشا اۋىرلىقتاعى جاراقات، كۇيىك، ۋلانۋ الدى، 1935 جىلى تۋعان ءبىر ادام قازا تاپتى»، - دەپ جازدى جەدەل شتابتان.
4 قىركۇيەكتە ءورت اۋماعى 43 مىڭ گەكتاردان استى، ورمان شارۋاشىلىعىنىڭ جالپى اۋدانى - 107 257 گەكتار.
تجم جەدەل جەلىسى جۇمىس ىستەيدى، وعان اقپاراتتىق سيپاتتاعى 37 قوڭىراۋ ءتۇستى. اۋليەكول اۋدانىنىڭ ەۆاكوپۋنكتىندە 7 پسيحولوگ شۇعىل پسيحولوگيالىق كومەك كورسەتەدى. كونسۋلتاتيۆتىك كومەك 124 ادامعا كورسەتىلدى جانە توپتىق جۇمىس فورماتىمەن 45 بالا قامتىلدى. ءورت ءسوندىرۋ جۇمىستارى جالعاسۋدا.