قازاقستانعا تيەسىلى جولدىڭ ۇزىندىعى 134 شاقىرىم بولادى.
ينۆەستيسيالاردىڭ جالپى كولەمى شامامەن 75 ميلليارد تەڭگە بولادى دەپ بولجانعان، دەپ حابارلايدى Almaty-akshamy.kz
يندۋستريا جانە ينفراقۇرىلىمدىق دامۋ مينيسترلىگىنىڭ اۆتوموبيل جولدارى كوميتەتى الماتىدان ىستىقكولگە تىكەلەي جول سالۋ جوباسى تۋرالى ەگجەي-تەگجەيلى ايتىپ بەردى.
«قىرعىزستان رەسپۋبليكاسى ىستىقكولدەن الماتى قالاسىنا تىكەلەي جول سالۋ ماسەلەسىن كوتەرىپ وتىر. بۇگىندە قىرعىز تاراپىنىڭ ۇسىنىسى بويىنشا ۇزىندىعى 280 شاقىرىم بولاتىن الماتى-ۇزىناعاش-قاستەك-ميحايلوۆكا-شولپان اتا باعىتى قاراستىرىلىپ جاتىر»، - دەدى كوميتەت وكىلدەرى.
بۇل رەتتە، ييدم اۆتوموبيل جولدارى كوميتەتىنىڭ مالىمەتى بويىنشا، قازاقستاندىق بولىكتىڭ ۇزىندىعى 134 شاقىرىم بولادى دەپ بولجانعان. سونداي-اق، مينيسترلىك قازاقستان تاراپىنداعى جۇمىس كولەمىن دە ءتۇسىندىردى:
الماتى-ۇزىناعاش - 45 شاقىرىم، جول جاعدايى جاقسى.
ۇزىناعاش-قاستەك - 42 شاقىرىم، جوندەۋ جۇمىستارىن قاجەت ەتەدى.
قاستەك-ميحايلوۆكا - ق ر شەكاراسى - 47 شاقىرىم، جاڭا قۇرىلىس.
باقىلاۋ-وتكىزۋ پۋنكتىن سالۋ قاجەت.
قىرعىزستان بولىگىندەگى جولدىڭ ۇزىندىعى 146 شاقىرىم بولادى: بۇل رەتتە كەمين قالاسىنان شولپان اتاعا دەيىنگى 145 شاقىرىم جول سالىنىپ بىتكەن، جولدىڭ جاعدايى جاقسى. قىرعىز تاراپىنا تەك قازاقستان رەسپۋبليكاسىنىڭ شەكاراسىنان كەمين قالاسىنا دەيىن جول سالۋ كەرەك، بۇل جولدىڭ ءبىر شاقىرىمى.
ينۆەستيسيالاردىڭ جالپى كولەمى شامامەن 75 ميلليارد تەڭگە بولادى دەپ بولجانعان.
كوميتەت الماتى-وتار-قورداي-بىشكەك-شولپان اتا باعىتى بويىنشا قولدانىستاعى جولدىڭ جاعدايى جاقسى ەكەنىن اتاپ ءوتتى. بۇل باعىتتىڭ ۇزىندىعى 485 شاقىرىم بولادى.