قازاقستان جول ساپاسى بويىنشا 141 ەلدىڭ ىشىندە 93-ورىندا.
ەكونوميكالىق رەفورما جانە وڭىرلىك دامۋ كوميتەتىنىڭ ءتوراعاسى البەرت راۋ ەلىمىزدىڭ جولدارىنىڭ ساپاسىنا كوڭىلى تولمايتىنىن ايتتى، دەپ حابارلايدى Almaty-akshamy.kz.
دەپۋتات دۇنيەجۇزىلىك ەكونوميكالىق فورۋم رەيتينگىن مىسالعا الدى. تىزىمدە قازاقستان جول ساپاسى بويىنشا 141 ەلدىڭ ىشىندە 93-ورىندا.
«بۇل رەيتينگتە كەنيا مەن تانزانيا سياقتى ەلدەر بىزدەن جوعارى تۇر... بيتۋم ماسەلەسى - ابدەن جاۋىر بولعان تاقىرىپ. وتاندىق كاسىپورىندار قۇرىلىسشىلاردى بيتۋممەن ارەڭ قامتىپ وتىر، سونىمەن قاتار ونىڭ ساپاسى ءبىزدىڭ تابيعي-كليماتتىق جاعدايلارىمىز ءۇشىن ازىرلەنگەن ۇلتتىق تالاپتارىنا ساي كەلمەيدى»، – دەدى البەرت راۋ.
كوميتەت ءتوراعاسىنىڭ ايتۋىنشا، 2021 جىلى ۇلتتىق ساپا ورتالىعى رەسپۋبليكالىق ماڭىزى بار جولداردا بيتۋمنىڭ 1400-دەن استام سىناماسىن تەكسەرگەن. ناتيجەسىندە ونىڭ 21%-ى تالاپتارعا ساي كەلمەي شىقتى.