Mastercard مالىمەتىنشە، 2024 جىلدىڭ 11 ايىندا الماتىدا تۋريستەردىڭ قاناعاتتانۋ يندەكسى 67-گە جەتىپ، وتكەن جىلدىڭ وسى كەزەڭىمەن سالىستىرعاندا 2،7%-عا ارتقان. تۋريستەر قاۋىپسىزدىك پەن قىزمەت كورسەتۋ ساپاسىن نەگىزگى وڭ فاكتورلار رەتىندە اتاپ وتكەن، دەپ حابارلايدى aqshamnews.kz
2024 جىلى الماتىدا تۋريزم سالاسى ماماندارىنىڭ بىلىكتىلىگىن ارتتىرۋعا باعىتتالعان اۋقىمدى جۇمىستار جۇرگىزىلدى. شىلدە مەن قاراشا ارالىعىندا كولىك تورابى مەن تۋريستەرمەن جۇمىس ىستەيتىن قىزمەتكەرلەر ءۇشىن اعىلشىن ءتىلى كۋرستارى ۇيىمداستىرىلىپ، 400 ادام ءبىلىم الدى. بۇل شەتەلدىك تۋريستەرمەن بايلانىستى جاقسارتۋعا جانە الماتىنىڭ حالىقارالىق مارتەبەسىن نىعايتۋعا ىقپال ەتتى.
شىلدە مەن قىركۇيەك ايلارىندا دۇنيەجۇزىلىك تۋريستىك گيدتەر قاۋىمداستىقتارى فەدەراسياسى (WFTGA) ۇيىمداستىرعان كۋرستارعا 200 گيد پەن ەكسكۋرسوۆود قاتىستى. بۇل باعدارلاما ەكسكۋرسيا قىزمەتتەرىنىڭ ساپاسىن جاقسارتۋعا جانە الماتىنىڭ مادەني-تاريحي مۇراسىن كەڭىنەن تانىتۋعا مۇمكىندىك بەردى.
قاراشا ايىندا تۋريزم سالاسىندا 420 قىزمەتكەر ءۇشىن فاسيليتاسيا ترەنينگتەرى وتكىزىلدى. ولاردى دۇنيەجۇزىلىك ساياحات جانە تۋريزم كەڭەسىنىڭ (WTTC) حالىقارالىق ساراپشىلارى جۇرگىزدى. بۇل ترەنينگتەر تۋريستىك قىزمەت كورسەتۋ ساپاسىن ارتتىرىپ، باسقارۋشىلىق داعدىلاردى دامىتۋعا ىقپال ەتتى.
قىركۇيەك پەن قازان ايلارىندا رەسپۋبليكالىق جەدەل-قۇتقارۋ جاساعى (رجقج) قۇتقارۋشىلارىنا ارنالعان باستاپقى دايىندىق باعدارلاماسى ۇيىمداستىرىلدى. بۇل الماتىنىڭ تابيعي مۇرالارعا باي ايماقتارىندا تۋريستەردىڭ قاۋىپسىزدىگىن قامتاماسىز ەتۋگە مۇمكىندىك بەردى.
2024 جىلى اتقارىلعان بۇل جۇمىستار الماتىنى شەتەلدىك تۋريستەر ءۇشىن تارتىمدى ەتىپ، قالانىڭ حالىقارالىق بەدەلىن ارتتىردى.