الماتى تۇرعىنى گەرويننىڭ اسا ءىرى پارتياسىمەن ۇستالدى
پوليسيا قىزمەتكەرلەرى 39 جاستاعى س. ەسىمدى ازاماتتى ەسىرتكى ساقتادى دەپ كۇدىكتەندى. ول الماتى قالاسى جەتىسۋ اۋدانىندا ورنالاسقان بازار ماڭىندا جەدەل ىزدەستىرۋ شارالارى بارىسىندا ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«جەكە ءتىنتۋ كەزىندە كۇدىكتىدەن ەكى پوليەتيلەن بايلامى تابىلدى، ونىڭ ىشىندە اقشىل ءتۇستى ۇنتاق جانە تۇيىرشىكتەر تۇرىندەگى ەرەكشە ءيىسى بار زات تاركىلەندى. ۇستالعان ازاماتتىڭ ايتۋىنشا، ول ەسىرتكىنى بەلگىسىز ەر ادامنان ساتىپ العان. ساراپتاما قورىتىندىسى بويىنشا تاركىلەنگەن زات اسا ءىرى مولشەردەگى ەسىرتكى گەروين بولىپ شىقتى»، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسى باستىعىنىڭ ورىنباسارى ساعىندىق اياعانوۆ.
وسى دەرەك بويىنشا ق ر قك-نىڭ 296-بابى 3-بولىمىنە سايكەس قىلمىستىق ءىس بويىنشا سوتقا دەيىنگى تەرگەۋ باستالدى.