كانديداتتاردان وتىنىمدەردى قابىلداۋ كۇنى جاريالاندى جانە ولارعا قويىلاتىن تالاپتار ايتىلدى.
الماتىدا قوعامدىق كەڭەستى قالىپتاستىرۋ جونىندەگى جۇمىس توبىنىڭ وتىرىسى ءوتتى، دەپ حابارلايدى Almaty-akshamy.kz
قوعامدىق كەڭەس مۇشەلەرىنىڭ قۇرامىنا بيىل 39 ادام كىرەدى، ونىڭ ىشىندە 36 ازاماتتىق قوعام وكىلدەرى، 3 مەملەكەتتىك ورگانداردىڭ وكىلدەرى بار.
قوعامدىق كەڭەستىڭ قۇرامىنا ەنگىزۋ ءۇشىن قۇجاتتار الماتى قالاسىنىڭ ءماسليحاتىنا 2022 جىلعى 6-19 ءساۋىر ارالىعىندا دۇيسەنبىدەن جۇماعا دەيىن ساعات 09:00-دەن 18:00-گە دەيىن (ءۇزىلىس ساعات 13:00-دەن 14:00-گە دەيىن) مىنا مەكەنجاي بويىنشا بەرىلەدى: A15H9H0 (050057)، الماتى قالاسى، جاروكوۆ كوشەسى، 215، كابينەت 311. انىقتاما تەلەفوندارى: 8 (727) 380 04 03، E-mail: orgotdel@maslihat-almaty.kz
الماتى قالاسى ءماسليحاتىنىڭ باسپا ءسوز قىزمەتىنىڭ حابارلاۋىنشا، كوممەرسيالىق ەمەس ۇيىمداردىڭ وكىلدەرى مەن ازاماتتار كورسەتىلگەن مەرزىمدە مىناداي قۇجاتتاردى ۇسىنادى::
1) ازاماتتىڭ قوعامدىق كەڭەستىڭ قۇرامىنا ءوز كانديداتۋراسىن ۇسىنۋ تۋرالى ءوتىنىشى؛
2) كانديداتۋرانى قوعامدىق كەڭەستىڭ قۇرامىنا ۇسىنۋ تۋرالى كوممەرسيالىق ەمەس ۇيىمنىڭ جازباشا ۇسىنىسى (بولعان جاعدايدا)؛
3) كانديداتتىڭ ءومىربايان دەرەكتەرىن كورسەتە وتىرىپ، كاسىپتىك جانە (نەمەسە) قوعامدىق قىزمەتى تۋرالى مالىمەتتەر ۇسىنىلادى؛
4) سوتتىلىعىنىڭ جوقتىعى تۋرالى انىقتاما؛
5) پسيحيكالىق، مىنەز-قۇلىقتىق بۇزىلۋلاردىڭ (اۋرۋلاردىڭ)، ونىڭ ىشىندە پسيحيكاعا بەلسەندى اسەر ەتەتىن زاتتاردى قولدانۋعا بايلانىستى بۇزىلۋلاردىڭ (اۋرۋلاردىڭ) بولماۋى تۋرالى انىقتاما.
كانديداتتار مىناداي جاعدايلاردا كونكۋرسقا جىبەرىلمەيدى:
1) قۇجاتتار توپتاماسىن ۋاقتىلى ۇسىنباۋ نەمەسە تولىق ۇسىنباۋ؛
2) انىق ەمەس اقپاراتتى قامتيتىن قۇجاتتاردى جانە (نەمەسە) مالىمەتتەردى ۇسىنۋ ارقىلى جۇزەگە اسىرىلادى؛
3) ق ر "قوعامدىق كەڭەستەر تۋرالى" زاڭىنىڭ 10-بابىنىڭ 1-تارماعىندا بەلگىلەنگەن تالاپتارعا سايكەس كەلمەيتىن كانديداتتار.
قۇجاتتاردى بارلىق نيەت بىلدىرگەن ازاماتتار 6-19 ءساۋىر ارالىعىندا تاپسىرا الادى.
ءوتىنىش نىساندارى بار تولىق حابارلاندىرۋ "الماتى اقشامى" جانە "ۆەچەرنيي الماتى" گازەتتەرىنىڭ 5 ساۋىردەگى نومىرلەرىندە، سونداي-اق ءماسليحات سايتىندا ورنالاستىرىلعان.