ءتارتىپ ساقشىلارى قازىرگى ۋاقىتتا ەسىرتكى تاراتۋ جولدارىن، ارناسىن انىقتاپ جاتىر
الماتى پوليسياسى زاڭسىز اينالىمنان سينتەتيكالىق ەسىرتكىنىڭ ءىرى پارتياسىن تاركىلەدى، دەپ حابارلايدى Almaty-akshamy.kz.
قالالىق پوليسيا دەمارتامەنتىنىڭ مالىمەتىنشە، 35 جاستاعى الماتىلىقتان 5 كەلىگە جۋىق ۇنتاق زات تاركىلەندى.
«جەدەل ءىس-شارالاردى جۇرگىزۋ بارىسىندا ءبىزدىڭ بولىمشە قىزمەتكەرلەرى 35 جاستاعى ل.ەسىمدى ازامات ايداپ كەلە جاتقان كولىكتى توقتاتتى. كولىكتى تەكسەرۋ بارىسىندا جۇك سالعىشتان ۇنتاقتى زات سالىنعان 20 بايلام جانە ەكى بىردەي پوليەتيلەن بۋماسى تابىلدى. ساراپتاما قورىتىندىسى بويىنشا تاركىلەنگەن ءشوپتىڭ جالپى سالماعى 4،7 كەلىنى قۇرايتىن سينتەتيكالىق «مەفەدرون» ەسىرتكىسى ەكەندىگى انىقتالدى»، – دەدى اۋەزوۆ اۋداندىق پوليسيا باسقارماسىنا قاراستى پوليسيا ءبولىمىنىڭ باستىعى ەدىلحان بايعارايەۆ.
پوليسيا وكىلىنىڭ ايتۋىنشا، ءتارتىپ ساقشىلارى قازىرگى ۋاقىتتا ەسىرتكى تاراتۋ جولدارىن، ارناسىن انىقتاپ جاتىر.
اتالعان دەرەك بويىنشا ق ر قك-نىڭ 296-بابى 4-بولىگىنە سايكەس سوتقا دەيىنگى تەرگەۋ امالدارى باستالدى.