تۇرعىن الماتىنىڭ شەتىندەگى ۇيلەردىڭ بىرىندە جابايى شوشقانى اسىراعان، – دەپ حابارلايدى almaty-akshamy.kz Polisia.kz سىلتەمە جاساپ.
بۇل فاكتىنى تابيعاتتى قورعاۋ پوليسياسىنىڭ قىزمەتكەرلەرى ماقساتتى ءىس-شارا جۇرگىزۋ بارىسىندا انىقتادى. مال “اقساي مەديك” باعباندىق قوعامىنىڭ ۇيلەرىنىڭ بىرىندە ۇستالعان.
– ەستەرىڭىزگە سالا كەتەيىن، تابيعاتتى قورعاۋ زاڭناماسىن بۇزۋ، براكونەرلىك، بيولوگيالىق رەسۋرستاردىڭ زاڭسىز اينالىمى فاكتىلەرىن، سونداي-اق، ەكولوگيالىق قىلمىستاردى اشۋ فاكتىلەرىن انىقتاۋ جانە جولىن كەسۋ ماقساتىندا 20 قازان مەن 19 قاراشا ارالىعىندا جالپى رەسپۋبليكالىق “براكونەر” جەدەل-الدىن-الۋ ءىس-شاراسى وتكىزىلۋدە. ءىس-شارا شەڭبەرىندە ەقمب ورمان شارۋاشىلىعى جانە جانۋارلار دۇنيەسى كوميتەتىنىڭ اۋماقتىق ورگاندارىمەن بىرلەسىپ جەدەل-ىزدەستىرۋ توپتارى قۇرىلدى. بۇل جاعدايدا 1951 جىلى تۋعان م.ەسىمدى ازامات ق ر اقبك-نىڭ 389-بابى 1-بولىگى بويىنشا جاۋاپكەرشىلىككە تارتىلدى. اتالعان ءوندىرىس ماتەريالدارى سوت قۇزىرەتىنە سايكەس شەشىم قابىلداۋ ءۇشىن سوتقا جىبەرىلەدى، – دەدى ناۋرىزباي اۋداندىق پوليسيا باسقارماسىنىڭ باستىعى ديدار احانوۆ.