ىستامبۇل مەن مەحيكونى باسىپ وزدى: الماتى الەمنىڭ تۇراقتى قالالارىنىڭ رەيتينگىنە ەندى

پوستكەڭەستىك كەڭىستىكتەگى  ەلدەر ىشىندە مەگاپوليس التىنشى ورىندا 

الماتى بۇگىنگى تاڭدا الەمنىڭ تۇراقتى قالالارىنىڭ رەيتينگىسى - Cities in Motion تىزىمىنە ەندى. قازىرگى تاڭدا جەر شارىندا تۇرعىندارى سانى ميلليوننان اسىپ جىعىلاتىن 600 قالا بار، سولاردىڭ ىشىندە تەك 174ء-ى عانا "تۇراقتى" دەپ مويىندالعان، دەپ حابارلايدى Almaty-akshamy.kz ءتىلشىسى.

بۇل تۋرالى ءماسليحات دەپۋتاتى قايرات قۇدايبەرگەن Telegram كانالىندا جاريالاعان. 

"قالالار 100 كورسەتكىش بويىنشا باعالانعان: دامۋى، تالانت يەلەرىن تارتۋ جانە تاربيەلەۋ، الەۋمەتتىك اۋىزبىرلىك، ەكونوميكا، قورشاعان ورتا، باسقارۋ؛ جوسپارلاۋ؛ تەحنولوگيالار، موبيلدىلىك، كولىك، قوعامدىق قىزمەتتەرگە قولجەتىمدىلىك جانە ت.ب.

"ورتالىق ازيادا وسى رەيتينگتە 128-ورىن العان جالعىز قالا. ساناتتارى بويىنشا باعالاۋ كورسەتكىشتەرى كەلەسىدەي: ەكونوميكا - 108-ورىن، ادامي كاپيتال-124 - ورىن، قورشاعان ورتا - 104 ورىن، باسقارۋ - 150-ورىن، قالالىق جوسپارلاۋ - 75-ورىن، كولىك - 119-ورىن. 

ءبىز ىستامبۇل، كيوتو، مەحيكو، ەل-كۋۆەيتتەن العا شىقتىق!

بۇرىنعى كسرو ەلدەرىنىڭ استانالاارى اراسىندا ءبىز 6-ورىندامىز.رەيتينگتە ءبىزدىڭ الدىمىزدا تاللين 55-ورىندا، ريگا - 85-ورىندا، ماسكەۋ - 87-ورىندا، كييەۆ- 115ء-شى، تبيليسي - 118-ورىندا (بۇل زەرتتەۋگە نۇر-سۇلتان قالاسى قاتىسقان جوق).

ەڭ تۇراقتى قالالار رەتىندە لوندون، نيۋ-يورك، پاريج، توكيو، رەيكياۆيك، كوپەنگاگەن، بەرلين، امستەردام، سينگاپۋر، گونكونگ قالالارى تانىلدى"، - دەپ جازدى قايرات قۇدايبەرگەن.