الاياق ساتىپ الۋشىلارعا قازىرگى ۋاقىتتا كولىكتىڭ ەشقانداي قۇجاتى جوق ەكەنىن ايتقان
الماتى تۇرعىنى جالعا العان كولىكتى ساتپاق بولعان، – دەپ حابارلايدى Almaty-akshamy.kz Polisia.kz-كە سىلتەمە جاساپ.
وعان 190-بابى “الاياقتىق” بويىنشا ايىپ تاعىلدى.
– بىرنەشە اي بويى ب.ەسىمدى ازامات ەكى سىبايلاسىمەن بىرگە كولىكتەردى جالعا العان. بىردە ول بىرنەشە كۇن ايداعاننان كەيىن وسى كولىكتى ارزانداتىلعان باعامەن ساتۋ تۋرالى حابارلاندىرۋ جاريالادى. قاسكوي ساتىپ الۋشىلارعا قازىرگى ۋاقىتتا كولىكتىڭ ەشقانداي قۇجاتى جوق ەكەنىن ءتۇسىندىردى. ءقازىر تىركەۋدى اياقتاپ، قۇجاتتاردى الامىن دەپ سەندىردى، ءبىراق ازىرگە كولىك قۇنىنىڭ جارتىسىن الدىن الا تولەم رەتىندە قالدىرۋدى ۇسىندى. 6 ميلليون تەڭگە كولەمىندەگى الدىن الا تولەمدى الىپ، قاسكوي قاشىپ كەتتى. الاياقتىق دەرەگى بويىنشا ق ر قك-نىڭ 190-بابى 3-بولىگىنىڭ 1-تارماعىنا سايكەس سوتقا دەيىنگى تەرگەۋ باستالدى، – دەيدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.
تەرگەۋ بارىسىندا ۇستالعان ادامعا قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى. ونىڭ سىبايلاستارى – ت.ەسىمدى ازاماتشا مەن س.ەسىمدى ازاماتشانىڭ ءرولى انىقتالىپ جاتىر.
– ەر ادام ءوزىنىڭ پايداكۇنەمدىك جوسپارلارىنا كۇدىك تۋعىزباۋ ءۇشىن ولاردى “كليەنتتەرمەن” كەزدەسۋگە وزىمەن بىرگە الىپ بارعانى بەلگىلى. ءقازىر تەرگەۋ، كۇدىكتىلەردىڭ قىلمىستىق ارەكەتىنىڭ قوسىمشا ەپيزودتارىن انىقتاۋ جۇمىستارىن جۇرگىزۋدە، – دەدى ۇ.ءابىلقايىر.