ق ر تجم رەسپۋبليكالىق جەدەل-قۇتقارۋ جاساعىنىڭ بولىمشەسى مامىر مەرەكەلەرى كەزەڭىندە قىزمەت وتكەرۋدىڭ كۇشەيتىلگەن نۇسقاسىنا كوشەدى.
بۇل تۋرالى الماتى قالاسىنىڭ وكق بريفينگىندە بەلگىلى بولدى. مامىر ايىنداعى مەرەكەلەردە ازاماتتاردىڭ جاپپاي كوككە شىعا باستايدى. قۇتقارۋشىلار وت جاعۋعا تىيىم سالىناتىنىن جانە تۋريستەرگە تەك رۇقسات ەتىلگەن جولدارمەن ءجۇرۋ كەرەكتىگىن ەسكەرتتى، دەپ حابارلايدى Almaty-akshamy.kz.
تابيعاتقا شىعار الدىندا دوستارىنا جانە 112 تەلەفونى ارقىلى قۇتقارۋ قىزمەتىنە ەسكەرتكەن ءجون.
سۇڭگۋىر-قۇتقارۋ ءبولىمىنىڭ باستىعى اندرەي بىبچەنكو ماۋسىمارالىق ۋاقىتتا تاۋدا تۇماندا اداسىپ، باعىتتى جوعالتۋعا بولاتىنىن ايتتى.
"ناتيجەسىندە دەمالۋشىلار جوعالادى جانە باستاپقى ورنىنا ورالا المايدى. تۋىستارى الاڭداي باستايدى، سودان كەيىن ءبىزدىڭ قىزمەتكە سيگنال تۇسەدى، جوعالعان تۋريستەردىڭ شامامەن ورنالاسقان جەرى تۋرالى حابارلايدى. ءبىز ىزدەۋ جۇمىستارىنا كىرىسەمىز"، - دەدى ا. بىبچەنكو.
جاقىندا قۇتقارۋشىلار جوعالعان دجيپپەرلەردى تاپتى. حابارلامادا ايتىلعانداي، ەكى كولىك بايلانىسقا شىقپاعان، وندا شامامەن 7-8 ادام بولعان.
«ءبىزدىڭ توپ ءبىرىنشى بولىپ جولعا شىقتى، ءبىراق تابىلعان جەردە ەكى جوعالعان كولىك ەمەس، قىرىققا جۋىق ماشينا بولاتىنىن كۇتكەن جوقپىز. بايلانىس بولمادى، كولىكتەردى قار كوشكىنى باسىپ قالدى. جاۋعان قار قۇتقارۋ جۇمىستارىن قيىنداتتى، اۋا تەمپەراتۋراسى دا تومەن بولدى»، - دەدى ا.بىبچەنكو.
قاردا جۇرەتىن كولىكتەردى پايدالانىپ، ءجۇرۋ مۇمكىندىگى جوعارى كامازدار ادامداردى ەۆاكۋاسيالاي باستادى. بارلىعى ءساتتى اياقتالىپ، ادامدار امان قالدى.
قۇتقارۋشى سەلفي مەن ەرەكشە راكۋرستى ۇناتاتىنداردى ءوز ءومىرى مەن دەنساۋلىعىنا ءقاۋىپ توندىرمەۋگە شاقىردى. تاۋ وزەندەرىنىڭ شەتىندە، ءقاۋىپتى جەرلەردە، تايىپ كەتەتىندەي تاستاردىڭ ۇستىندە تۇرماڭىز.
"تاۋعا شىققان كەزدە كيىمدى مۇقيات تاڭداۋ كەرەك، بۇل ايماقتا اۋا رايى كۇن ساۋلەسىنەن قارلى بورانعا دەيىن كۇرت ءارى تەز وزگەرەتىنىن ەستە ۇستاعان ءجون. تاۋ جابدىقتارى بولۋى كەرەك. وت جاعۋعا تىيىم سالىنعانىن ەستە ساقتاڭىز"، - دەپ قوستى قۇتقارۋشى.
تاۋ وزەندەرىندە شومىلۋ ءقاۋىپتى، ادام تەك قۇرىسۋلارعا عانا ەمەس، ينسۋلتكە دە ۇشىراۋى مۇمكىن. ەگەر ادام سوندا دا سۋىق سۋعا شومىلۋعا تاۋەكەل ەتسە، ونىڭ جانىندا كومەك كورسەتە الاتىن ادامدار بولۋى كەرەك.
ەگەر ادام تاۋ وزەنىنە باتا باستاسا، ونىڭ ارتىنان وزەننىڭ بويىمەن جۇگىرۋ كەرەك، ول اعاشقا نەمەسە تاسقا تىرەلۋى مۇمكىن. بۇل ۋاقىتتا ءسىز قولدا بار قۇرالداردى پايدالانا الاسىز، تاياق، ارقان، بورەنە سوزا الاسىز. دايىندىعى جوق ادامعا قۇتقارۋ ءۇشىن سۋعا سەكىرۋ ۇسىنىلمايدى.