الماتى قالاسىنىڭ تۇرعىن ءۇي ساياساتى باسقارماسى باسشىسىنىڭ ورىنباسارى نۇربول قاجين وڭىرلىك كوممۋنيكاسيالار قىزمەتىنىڭ بريفينگىندە قازىرگى ۋاقىتتا مەگاپوليستە 600 مۇلىك يەلەرىنىڭ بىرلەستىگى (ميب) تىركەلگەنىن جانە 2182 جاي سەرىكتەستىك (جس) تاڭدالعانىن حابارلادى دەپ جازادى almaty-akshamy.kz
ەسكە سالساق، زاڭ تالاپتارىنا سايكەس ەلىمىزدەگى بارلىق كوپپاتەرلى ۇيلەر 2022 جىلدىڭ 1 شىلدەسىنە دەيىن ءۇيدى باسقارۋ ورگانىن اۋىستىرۋى ءتيىس. جۇمىس ىستەپ تۇرعان پيك-تىڭ ورنىنا «ءبىر ءۇي - ءبىر مۇلىك يەلەرىنىڭ بىرلەستىگى - ءبىر شوت» قاعيداتى بويىنشا مۇلىك يەلەرىنىڭ بىرلەستىكتەرى (ميب) نەمەسە جاي سەرىكتەستىكتەر قۇرىلۋعا ءتيىس.
«بۇگىندە الماتى قالاسى بويىنشا 2975 كوپپاتەرلى تۇرعىن ءۇيدى قامتيتىن 2782 جاڭا باسقارۋ نىسانى تىركەلگەن. بۇل تۇرعىن ءۇي قورىنىڭ جالپى سانىنىڭ 39%-ى عانا. ايتا كەتسەك، بىرنەشە كوپقاباتتى ۇيلەردىڭ تۇرعىندارى كوبىنەسە ءبىر ءميب-تى نەمەسە ءجس-تى تىركەيدى «دولينا روز»، «كەرەمەت»، «پرەمەرا» جانە باسقا دا تۇرعىن ءۇي كەشەندەرى وسىنداي قاعيداتقا نەگىزدەلگەن»، - دەدى نۇربول قاجين.
تۇرعىن ءۇي ساياساتى باسقارماسى باسشىسىنىڭ ورىنباسارى اتاپ وتكەندەي، ميب پەن جس-كە كوشكەن ءۇي تۇرعىندارى تۇرعىن ءۇي قورىن كۇتىپ-ۇستاۋعا جۇمسالاتىن شىعىنداردىڭ قانداي ەكەنىن كورە الادى. ونىڭ پىكىرىنشە، ۇيلەردى باسقارۋدىڭ جاڭا فورمالارىنا كوشىرۋ وتە ورىندى، ويتكەنى تۇرعىن ۇي-كوممۋنالدىق شارۋاشىلىق رەفورماسى ۇيلەردى كۇتىپ-ۇستاۋ ساپاسىن ارتتىرۋعا مۇمكىندىك بەرەدى، ويتكەنى مۇنى تۇرعىنداردىڭ وزدەرى جاسايدى.
نۇربول قاجين مۇنداي باسقارۋ مودەلىن ەنگىزۋ باياعىدا-اق پىسىپ-جەتىلگەنىن ەسكە سالدى. سونىمەن قاتار، الماتىدا تۇرعىنداردىڭ كوپقاباتتى ۇيلەرگە ءوز بەتىنشە قىزمەت كورسەتۋىن ءساتتى ەنگىزۋدىڭ مىسالدارى بار.
«الماتى قالاسىندا ەلىمىزدەگى ەڭ ءىرى تۇرعىن ءۇي قورى بار، ونىڭ 820-دان استام باسقارۋ ورگاندارىنا قىزمەت كورسەتەتىن 8645 كوپقاباتتى تۇرعىن ءۇي. بۇل ميب، جس، پيتك. بۇگىنگى تاڭدا 50-گە جۋىق يەسىز باسقارۋ ورگاندارى جويىلدى. بۇل رەتتە 7517 كوپقاباتتى تۇرعىن ءۇي عانا باسقارۋدىڭ جاڭا نىساندارىنا كوشۋگە جاتادى. قالعاندارى ەسكىرگەن دەپ تانىلدى نەمەسە ولاردىڭ مەنشىك يەلەرى قازاقستاندىق يپوتەكالىق كومپانيا، كوممۋنالدىق تۇرعىن ءۇي قورى بولىپ تابىلادى»، - دەپ جالعاستىردى نۇربول قاجين.
ن. قاجين قالا تۇرعىندارى باسقارۋدىڭ جاڭا فورمالارىنا كوشۋ قارقىنىن ارتتىرۋ قاجەتتىگىن اتاپ ءوتتى. اكىمدىك كوپقاباتتى ۇيلەر تۇرعىندارىنىڭ باستاماسىن قولداۋعا جانە ماسەلەنى شەشۋگە كومەكتەسۋگە دايىن، ول ءۇشىن سەگىز ءموبيلدى توپ قۇرىلىپ، قالالىق جول كارتاسى، سونداي-اق تۇرعىندار اراسىندا جينالىستار وتكىزۋ كەستەسى بەكىتىلدى.
«اۋداندار بويىنشا سەگىز ءموبيلدى توپ قۇرىلدى، ولارعا تۇرعىن ءۇي ينسپەكسياسى مەن اكىمدىكتەردىڭ وكىلدەرى كىرەدى. ولار تۇرعىندارمەن جانە قولدانىستاعى باسقارۋ ورگاندارىنىڭ باسشىلارىمەن ءتۇسىندىرۋ جۇمىستارىن جۇرگىزەدى، ميب جانە جس كوشۋ الگوريتمىن تۇسىندىرەدى. اعىمداعى جىلدىڭ باسىنان باستاپ قازىرگى ۋاقىتقا دەيىن 800 جينالىس وتكىزىلدى»، - دەپ حابارلادى نۇربول قاجين.
مەگاپوليس تۇرعىندارىنا Call-ورتالىقتىڭ 225-14-31 ءنومىرى بويىنشا دا كەڭەس بەرىلەدى، 2500 ادام اقپاراتتاندىرىلدى.
ءسوزىن قورىتىندىلاي كەلە، نۇربول قاجين الماتىلىقتاردى باسقارۋدىڭ جاڭا فورمالارىنا بەلسەندى كوشۋگە شاقىردى. تۇرعىن ءۇي ساياساتى باسقارماسى ءاربىر تۇرعىن ۇيمەن ىنتىماقتاسۋعا دايىن، كەڭەس الۋ ءۇشىن دوستىق داڭعىلى، 85 مەكەنجاي بويىنشا الەۋمەتتىك قىزمەتتەر ءۇيىنىڭ عيماراتىنا حابارلاسۋعا بولادى. ءتۇيسب-دا «ءبىر تەرەزە» قاعيداتى بويىنشا اقپاراتتىق كومەك كورسەتىلەدى.