كوكشەتاۋدا الاياق تۇرعىننىڭ Instagram پاراقشاسىندا “بالانى ەمدەۋگە” قارجى جيناعان، دەپ حابارلايدى Almaty-akshamy.kz
3 قاراشادا كوكشەتاۋ قالاسى پوليسيا باسقارماسىنىڭ كەزەكشى بولىمىنە وبلىس ورتالىعىنىڭ 36 جاستاعى تۇرعىنى جۇگىنىپ، وعان تيەسىلى Instagram پاراقشاسىندا بوگدە ادامنىڭ پايدالانعانى تۋرالى حابارلادى.
ەر ادامنىڭ ايتۋىنشا، ول وقيعا تۋرالى تۋىستارىنان بىلگەن، ويتكەنى ول سوڭعى جىلدارى بۇل پاراقشامەن قولدانباعان.
الدىن الا تەرگەۋ بارىسىندا الاياقتىق ماقساتتا بەلگىسىز تۇلعا بىرنەشە جىل بۇرىن جابىرلەنۋشى جاساعان اككاۋنتتى پايدالانىپ، وندا جالعان اقپارات جاريالاعانى انىقتالدى.
قاسكۇنەم جابىرلەنۋشىنىڭ اتىنان قولدانۋشىلارعا بالانى ەمدەۋگە ماتەريالدىق كومەك كورسەتۋ تۋرالى وتىنىشپەن جۇگىنگەن جانە پاراققا اقشا اۋدارۋ تۋرالى وتىنىشپەن جەكە شوتتىڭ ءنومىرىن ورنالاستىرعان.
قازىرگى ۋاقىتتا اتالعان فاكتى بويىنشا ق ر قك-نىڭ 190-بابى 2-بولىگى (الاياقتىق) بويىنشا سوتقا دەيىنگى تەرگەۋ باستالدى.