قازاقستاندىق وندىرۋشىلەر جۇڭگو نارىعىن باعىندىرۋدا

قازاقستاننىڭ 30 ءىرى ءوندىرۋشىسى شانحايداعى جىل سايىنعى يمپورتتىق تاۋارلار كورمەسىنە قاتىسۋدا

ولار 100 ملن دوللاردان استام ازىق-تۇلىك پەن اۋىلشارۋاشىلىق ونىمدەرىن جەتكىزۋگە كەلىسىم جاسايدى دەپ كۇتىلۋدە. الايدا كوپتەگەن كومپانيالار شاراعا ونلاين فورماتتا قاتىسۋدا. بۇل پاندەمياعا بايلانىستى ەرەجە. ەكسپو كورمەسىندە ولاردىڭ ونىمدەرى عانا بار، ال كەلىسسوزدەردى ارنايى وكىلدەر جۇرگىزەتىن بولادى، دەپ حابارلايدى Almaty-akshamy.kz 

«جۇڭگو ءوز نارىعىنا قىزعانىشپەن قارايدى. ءاردايىم قىتايعا جىبەرىلەتىن ونىمدەردى وتە مۇقيات تەكسەرەدى. ءبىراق ءبىزدىڭ ونىمدەر جۇڭگو تاراپى اسا كوڭىل بولەتىن بارلىق سىناقتان، قاجەتتى سەرتيفيكاتتاۋدان ءوتتى»، - ەۆگەنيي كورول، قازاقستاندىق كومپانيانىڭ ساتۋ جونىندەگى ديرەكتورى

اتالمىش قازاقستاندىق زاۋىت ءوز ءونىمىنىڭ 70% ەكسپورتقا جونەلتەدى. تاۋارلار ورتالىق ازيانىڭ بارلىق ەلدەرىنە، رەسەيگە، ءتىپتى اۋعانستانعا دا جەتكىزىلەدى. كاسىپورىن جىلىنا 40 مىڭ تونناعا دەيىن دايىن ءونىم شىعارادى. ەندى كومپانيا اسپاناستى ەلىنىڭ نارىعىنا شىعۋعا نيەتتى.

«ءبىزدىڭ ءونىمنىڭ اسسورتيمەنتى كەڭ، سوندىقتان جۇڭگو تۇتىنۋشىلارى كوڭىلىنەن شىعاتىنىن تابا الادى. سىزدەر جاقسى بىلەسىزدەر، قىتايلىقتاردىڭ تاعامنىڭ ءدامى وتە اششى. سوندىقتان ءقازىر ولاردىڭ ەۋروپالىق تاعامدارعا سۇرانىسى ارتۋدا. ءبىز ونى ۇسىنا الامىز»، - قازاقستاندىق كومپانيانىڭ وكىلى ميراس قيلىبايەۆ

كورمە وتكىزىلگەن سوڭعى 4 جىلدا قازاقستان مەن جۇڭگو اراسىندا جاسالعان شارتتاردىڭ سوماسى جارتى ملرد دوللاردان اساتىنىن ايتا كەتكەن ءجون. ازىق-تۇلىك ونىمدەرىنەن باسقا ءبىزدىڭ ەل سيفرلىق شەشىمدەردى ۇسىنۋعا نيەتتى. كورمە 10 قاراشادا اياقتالادى.