قىلمىستىق ۇشتىك جابىرلەنۋشىلەر كورسەتكەن بەلگىلەر بويىنشا ۇستالدى.
جابىرلەنۋشىلەردىڭ ايتۋىنشا، كەشكىسىن ادام كوپ جۇرمەيتىن كوشەدە ءۇش بەلگىسىز ادام ولارعا شابۋىل جاساپ، ۇرىپ-سوعىپ، تەلەفوندارىن، اقشالارى مەن گادجەتتەرىن الىپ كەتكەن، دەپ حابارلايدى Almaty-akshamy.kz Polisia.kz-كە سىلتەمە جاساپ.
«قاسكويلەر - 21-22 جاستاعى جەتكىنشەكتەر. الماتى جانە جامبىل وبلىستارىنان كەلگەن. ولار ءوز كىنالارىن مويىندادى. ۇستالعاندار ۋاقىتشا ۇستاۋ يزولياتورىنا قامالدى. قىلمىستىق ءىس ق ر قك-نىڭ 191-بابى بويىنشا تەرگەلىپ جاتىر. سونىمەن قاتار كۇدىكتىلەردىڭ بۇرىن جاسالعان وسىعان ۇقساس قىلمىسقا قاتىسى بار-جوعى تەكسەرىلۋدە. قازىرگى ۋاقىتتا وسىعان ۇقساس 3 ەپيزود انىقتالدى»، – دەدى المالى اۋداندىق پب-عا قاراستى پوليسيا ءبولىمىنىڭ باستىعى باتۇرجان ءابدۋماساروۆ.
ق ر قپك-نىڭ 201-بابىنا سايكەس تەرگەۋ مۇددەسىن كوزدەيتىن وزگە دە مالىمەتتەر جاريا ەتۋگە جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىقبۇزۋشىلىق جاساۋدا كىناسىز دەپ تانىلادى.