الماتى تۇرعىندارى كوروناۆيرۋس ىندەتىن جەڭۋ ءۇشىن ۆاكسينا الۋلارى ءتيىس

بۇگىندە مەگاپوليستە 316 407 ادام ۆاكسينا العان.

كوروناۆيرۋس ىندەتىن ۆاكسينا الۋ ارقىلى توقتاتۋعا بولادى. بۇل تۋرالى بۇگىن وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى جانداربەك بەكشين ايتتى، دەپ حابارلايدى Akmaty-akshamy.kz.

جانداربەك بەكشين اتاپ وتكەندەي، قازاقستاندا كۆي-عا قارسى ۆاكسينا سالدىرۋ ءقاۋىپتى ايماقتان باستالدى: مەديسينا قىزمەتكەرلەرى، ۋچاسكەلىك پوليسيا، اكىمدىك قىزمەتكەرلەرى، كوممۋنالدىق قىزمەت، قوعامدىق تاماقتانۋ ورىندارى، ساۋدا قىزمەتكەرلەرى ەكپە سالدىردى.

«وتكەن كەزەڭدە 316 407 ادام ۆاكسينا الدى، بۇل قالا حالقىنىڭ 16%-ىن قۇرايدى، اۋىرىپ جازىلعان ادامدار 5%، سونىڭ ارقاسىندا 21%-دىق ۇجىمدىق يممۋنيتەت قالىپتاستى»، - دەدى الماتى قالاسىنىڭ مەملەكەتتىك باس سانيتارلىق دارىگەرى.

جالپى، ۆاكسينانى 60 جاستان اسقان 32 758 نەمەسە 12%-دان استام ادام سالدىردى.

جانداربەك بەكشين قالا تۇرعىندارىن ۆاكسينا الۋعا شاقىردى، ويتكەنى بۇل پروسەسس ۇجىمدىق يممۋنيتەتتى قالىپتاستىرۋ ءۇشىن ماڭىزدى. ول كۇزگە قاراي ۇجىمدىق يممۋنيتەتتى قالىپتاستىرۋ ءۇشىن ۆاكسينا ناۋقانىن قولداۋعا شاقىردى.

 «بۇل - وزىڭە، جاقىندارىڭا دەگەن جاۋاپكەرشىلىك. اركىمنىڭ ەكپە الۋى ماڭىزدى. ءبىرقاتار ادامدار اۋرۋعا توزبەيدى، ولاردىڭ دەنساۋلىعى. ساقتاۋ بىزگە بايلانىستى»،  – دەدى جانداربەك بەكشين. 

ەسكە سالساق، الماتىدا مەديسينالىق ۇيىمداردا، مەكتەپتەردە، مادەنيەت، سپورت نىساندارىندا، بازارلار مەن قالانىڭ سوسو-دا 211 ۆاكسينا پۋنكتى جۇمىس ىستەيدى (250-گە دەيىن ۇلعايتۋ مۇمكىندىگىمەن). 1 257 ادامنان تۇراتىن 304 ەگۋ بريگاداسى بار.