قالانىڭ باس سانيتارىنىڭ ايتۋىنشا، شاھارداعى ەپيداحۋال ءالى دە بوساڭسۋعا بولمايتىنىن كورسەتىپ وتىر.
بۇل تۋرالى وڭىرلىك كوممۋنيكاسيالار قىزمەتىندە وتكەن ونلاين باسپا ءسوز كونفەرەنسياسى بارىسىندا سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى جانداربەك بەكشين مالىمدەدى، دەپ حابارلايدى Almaty-akshamy.kz.
الماتىنىڭ باس مەملەكەتتىك سانيتارلىق دارىگەرى "قىزىل" ايماقتان "سارى" ايماققا ءوتۋ كەزىندەگى قولدانىستاعى شەكتەۋ شارالارى 7 كۇن وتكەننەن كەيىن كۇشىنە ەنەتىن بەلگىلى ءبىر جەڭىلدىكتەرمەن ساقتالاتىنىن اتاپ ءوتتى.
جانداربەك بەكشين سارى ايماقتىڭ ولشەمدەرى 1 (بىرلىكتەن) كەم نەمەسە وعان تەڭ R سانى (جۇقتىرۋ كورسەتكىشى) مەن جۇزدەن كەم نەمەسە وعان تەڭ 100 مىڭ تۇرعىنعا شاققانداعى سىرقاتتانۋ كورسەتكىشى بولاتىنىن ءتۇسىندىردى.
قازىرگى ۋاقىتتا الماتىدا 7 ماۋسىمداعى جاعداي بويىنشا 100 مىڭ تۇرعىنعا شاققاندا كۆي-مەن سىرقاتتانۋشىلىق كورسەتكىشى 64،7، ياعني 100-دەن تومەن، ونىڭ ىشىندە R=0،7.
جانداربەك بەكشين اتاپ وتكەندەي، جۇرگىزىلگەن شەكتەۋ شارالارىنىڭ ناتيجەسىندە كۆي-مەن اۋىرۋ ازايدى. اتاپ ايتقاندا، بۇعان بۇقارالىق ءىس-شارالارعا تىيىم سالۋ، بازارلاردىڭ، سوسو-نىڭ، جازعى الاڭداردى قوسپاعاندا، قوعامدىق تاماقتانۋ ورىندارىنىڭ جۇمىسىنا تىيىم سالۋ، دەمالىس كۇندەرى الەۋمەتتىك بايلانىستاردى ازايتۋ ماقساتىندا، سونداي-اق حالىققا ۆاكسينا سالۋ شارالارى سەبەپ بولدى.