مەگاپوليستەگى ورتتەردىڭ نەگىزگى سەبەپتەرى – اقاۋلى پەشتەر مەن سالعىرتتىق.
بۇل تۋرالى الماتى قالاسى توتەنشە جاعدايلار دەپارتامەنتىنىڭ مەملەكەتتىك ءورت باقىلاۋ باسقارماسىنىڭ باستىعى كونستانتين كانين وڭىرلىك كوممۋنيكاسيالار قىزمەتىندەگى بريفينگتە مالىمدەدى، دەپ حابارلايدى aqshamnews.kz.
ونىڭ ايتۋىنشا، ءورتتىڭ باستى سەبەبى – ەلەكتر جابدىقتارىن پايدالانۋ ەرەجەلەرىن بۇزۋ. ەكىنشى ورىندا – جىلىتۋ پەشتەرىن دۇرىس پايدالانباۋ.
تاعى ءبىر كۇردەلى ماسەلە – ۋلى گازدان، تابيعي گازدان جانە پروپان-بۋتاننان ۋلانۋ بولىپ وتىر. وتكەن جىلى ۋلانۋ سالدارىنان 15 ادام زارداپ شەككەن: ولاردىڭ 6-ۋى ۋلى گازدان، 9-ى تابيعي گاز بەن پروپان-بۋتاننان ۋلانعان. سپيكەر مۇنداي وقيعالاردىڭ نەگىزگى سەبەپتەرى رەتىندە قاتتى جانە گاز ءتارىزدى وتىنمەن جۇمىس ىستەيتىن پەشتەردىڭ اقاۋلارى مەن پايدالانۋ ەرەجەلەرىن ەلەمەۋدى اتاپ ءوتتى. مۇرجالار مەن جينالعان كۇيەنى ۋاقىتىلى تازالاماۋ – ءقاۋىپتىڭ ماڭىزدى فاكتورى بولىپ قالا بەرۋدە. بۇل جىلىتۋ جۇيەلەرىنە تۇراقتى تەحنيكالىق قىزمەت كورسەتۋ قاجەتتىگىن كورسەتەدى.
ورتتەردىڭ باسىم بولىگى ازاماتتىق قورعاۋ ورگاندارىنىڭ تىكەلەي باقىلاۋىنان تىس، جەكە سەكتوردا تىركەلگەن. «سوندىقتان، قالالىق توتەنشە جاعدايلار دەپارتامەنتىنىڭ نەگىزگى پروفيلاكتيكالىق ءىس-شارالارى ناقتى وسى سالاداعى ورتتەردىڭ، قازا بولعاندار مەن جاراقاتتاردىڭ سانىن ازايتۋعا باعىتتالعان»، - دەپ اتاپ ءوتتى كونستانتين كانين.
وتكەن جىلى پروفيلاكتيكالىق ءىس-شارالار شەڭبەرىندە باق-تا 15 مىڭنان استام ماتەريال، ونىڭ ىشىندە باسپا باسىلىمدارىندا 1 019 ماقالا، راديودا 9 مىڭعا جۋىق جانە الەۋمەتتىك جەلىلەردە 4 354 جاريالانىم ورنالاستىرىلدى.