الماتىنىڭ المالى اۋدانىندا ورتالىقتاندىرىلعان ينجەنەرلىك كوممۋنيكاسيالارى جوق جانە جەلىلەرى قايتا جوندەۋدى قاجەت ەتەتىن جەكە سەكتوردا سۋ قۇبىرى مەن كارىز جەلىلەرىن سالۋ بويىنشا ەكى جوبا جۇزەگە اسىرىلىپ جاتىر.
ەكى جوبانىڭ ءبىرى 2024 جىلى باستالىپ، وسى جىلى اياقتالادى. جوبا اياسىندا اۋداننىڭ 19 كوشەسىندە 15 شاقىرىم ينجەنەرلىك جەلىلەر توسەلىپ، قايتا جوندەۋدەن وتەدى، دەپ حابارلايدى aqshamnews.kz.
ونىڭ ىشىندە 6 كوشەدە جۇمىس اياقتالدى. ەكى جوبانى جۇزەگە اسىرۋ ناتيجەسىندە 6،8 مىڭ تۇتىنۋشى ورتالىق ينجەنەرلىك جەلىلەرمەن قامتاماسىز ەتىلەدى.
ايتا كەتەيىك، 2024 جىلى المالى اۋدانىندا يندۋستريالنايا، سيولكوۆسكيي، ۆولحوۆسكايا جانە باسقا دا 12 كوشەدە سۋ قۇبىرى جەلىلەرىن سالۋ بويىنشا اۋقىمدى جۇمىستار جۇرگىزىلدى. بۇگىندە وسى كوشەلەردىڭ تۇرعىندارى ورتالىق سۋمەن جابدىقتاۋ جانە سۋ بۇرۋ جۇيەسىمەن قامتاماسىز ەتىلدى.
سونداي-اق، تولە بي كوشەسى مەن ۆولحوۆسكايا كوشەسىنىڭ قيىلىسىنداعى سۋ قۇبىرىن قامتاماسىز ەتەتىن سورعى ستانسياسى قايتا جوندەلىپ، كۇردەلى جوندەۋدەن ءوتتى. بۇعان دەيىن ستانسيا اپاتتى جاعدايدا بولىپ، ونىڭ جابدىقتارى 1992 جىلدان بەرى جوندەلمەگەن ەدى. جوندەۋ جۇمىستارىنان كەيىن 4 كوپقاباتتى ءۇيدىڭ 500-دەن استام تۇرعىنى ۇزدىكسىز سۋمەن قامتاماسىز ەتىلدى.
جالپى، الماتىدا قالا اكىمى ەربولات دوسايەۆتىڭ تاپسىرماسىمەن 2024 جىلى قالادا 219 شاقىرىم جاڭا سۋ قۇبىرى جانە سۋ بۇرۋ جەلىلەرى سالىندى، 27،3 شاقىرىم قولدانىستاعى جەلى جاڭعىرتىلدى. بۇل شامامەن 60 مىڭ ابونەنتتى قامتۋعا مۇمكىندىك بەردى. 2025 جىلى 240 شاقىرىم جەلى سالۋ جانە 48 شاقىرىم جەلىنى جاڭعىرتۋ جوسپارلانعان.