«الماتى» تەلەارناسىنىڭ قازا تاپقان قىزمەتكەرى «ەرلىگى ءۇشىن» مەدالىمەن ماراپاتتالدى

مۇراتحان بازاربايەۆ جاپپاي تارتىپسىزدىك كەزىندە وق ءتيىپ قازا بولعان.

ق ر پرەزيدەنتى قاسىم-جومارت توقايەۆتىڭ جارلىعىمەن الماتىداعى جاپپاي تارتىپسىزدىك كەزىندە «الماتى» تەلەارناسىنىڭ قازا تاپقان قىزمەتكەرى مۇراتحان بازاربايەۆتى «ەرلىگى ءۇشىن» مەدالىمەن ماراپاتتادى، دەپ حابارلايدى Almaty-akshmy.kz Almaty.tv cىلتەمە جاساپ.

مەملەكەت باسشىسى قول قويعان قۇجاتتى «الماتى» تەلەارناسىنىڭ باس ديرەكتورى نۇرجان جالاۋ قىزى مارقۇمنىڭ ۇلى ەلدار مۇراتحانۇلىنا تابىس ەتتى.

ەسكە سالساق، 6 قاڭتاردا «الماتى» تەلەارناسىنىڭ قىزمەتكەرلەرى ءتۇسىرىلىم كەزىندە تەرروريستەردىڭ زاڭسىز ارەكەتىنە تاپ بولىپ، كولىككە اتىلعان وق سالدارىنان مۇراتحان بازاربايەۆ وقيعا ورنىندا ءجانتاسىلىم ەتكەن بولاتىن. 

- مۇراتحان ءابدا ۇلى بازاربايەۆ ارنامىزعا 2019 جىلى ناۋرىز ايىندا جۇمىسقا ورنالاسقان بولاتىن. 54 جاستاعى ارىپتەسىمىز 2 جىل بويى پاندەميا كەزىندە دە ادال قىزمەت ەتتى. ەل باسىنا اۋىر كۇن تۋعان ۋاقىتتا دا ەش قيىندىقتان تايىنباي، قىزمەتتىك بورىشىن ابىرويمەن وتەپ، ەرلىكپەن قازا تاپتى. مارقۇمنىڭ ارتىندا جارى، كامەلەتكە تولعان 3 بالاسى مەن نەمەرەلەرى قالدى، - دەدى نۇرجان جالاۋ قىزى.