الماتى قالاسىنىڭ اكىمى ە.دوسايەۆ قاڭتار تراگەدياسى كەزىندە جاپا شەككەن كاسىپكەرلەرمەن جانە بيزنەس وكىلدەرىمەن كەزدەستى. جيىندا قالا باسشىسى بيزنەس يەگەرلەرىمەن شىعىندى وتەۋگە جۇمسالاتىن تولەمدەردى جەدەلدەتۋ ماسەلەلەرىن تالقىلادى، دەپ حابارلايدى Almaty-akshamy.kz
بۇعان دەيىن ايماقتىق كوميسسيا شىعىندى وتەۋ بويىنشا مەحانيزمدە كىنارات بارىن انىقتاپ، ءوز تاراپىنان ناقتى ۇسىنىستار ەنگىزگەن بولاتىن. اكىمدىكتىڭ ۇسىنىستارى 2022 جىلعى 1 اقپاندا ق ر ۇلتتىق ەكونوميكا مينيسترلىگىمەن جەدەل تۇردە كەلىسىلىپ، ۇكىمەتتىك كوميسسيا دەڭگەيىندە ماقۇلداندى. بۇگىن شىعىندى وتەۋ ەرەجەسىنە ءتيىستى وزگەرىستەر مەن تولىقتىرۋلار ەنگىزىلەدى.
نەگىزگى وڭالتۋ شارالارى تاۋارلىق-ماتەريالدىق قۇندىلىقتارعا كەلگەن مۇلىكتىك زالالعا قاتىستى. ەندى 5 ملن تەڭگەگە دەيىنگى ەڭ جوعارى تولەم سوماسىمەن جەڭىلدەتىلگەن مەحانيزم بويىنشا زاقىمدالعان جىلجىمالى ءارى جىلجىمايتىن مۇلىككە، قالپىنا كەلتىرۋگە كەلمەيتىن جانە جوعالعان جابدىقتارعا دا شىعىندى وتەۋ مەحانيزمى قاراستىرىلىپ وتىر. بۇل ءوز كەزەگىندە زارداپ شەككەن بيزنەس سۋبەكتىلەرىن كەڭىنەن قامتۋعا مۇمكىندىك بەرەدى. سونىمەن قاتار مەملەكەتتىك بيۋدجەت قاراجاتىنان بولەك قورلاردىڭ جەكە اقشالارىنان دا تولەم جۇرگىزۋ ماسەلەسى قارالىپ جاتىر. ياعني، وتەماقى تولەۋ پروسەسىن جەتىلدىرۋ جولىنداعى ىزگى جۇمىستار جالعاسا بەرەدى.
ەسكە سالا كەتەيىك، زارداپ شەككەن كاسىپكەرلەر كوممۋنالدىق شىعىنداردى تولەۋدەن 3 ايعا، ال قالاداعى كوممۋنالدىق مەنشىكتى جالعا الۋشىلار 6 ايعا جالعا الۋ تولەمىنەن بوساتىلادى.
سونىمەن قاتار، «الماتى بيزنەس-2025» قالالىق باعدارلاما بويىنشا، اينالىمداعى قاراجاتىن ەسەلەپ الۋ ءۇشىن كاسىپكەرلەرگە كەپىل ۇسىنۋ ارقىلى 10 ملن تەڭگەگە دەيىن جىلدىق 2 پايىزبەن 12 ايعا نەمەسە «الماتى» اوك ءىشىنارا كەپىلدىگىمەن جەڭىلدەتىلگەن نەسيە بەرىلەدى. «الماتى فينانس» ج ش س مەن «مفو الماتى» ج ش س زارداپ شەككەن كاسىپكەرلەرگە نەگىزگى قارىزدى وتەۋ مەرزىمىن ۇزارتادى، ايىپپۇلدار مەن ءوسىمپۇلداردى 180 كۇنگە دەيىن شەگەرەدى.