الماتى كوممۋنالدىق قىزمەتتەرىنىڭ تەحنوپاركى جاڭا ارنايى تەحنيكامەن تولىقتىرىلادى، دەپ حابارلايدى almaty-akshamy.kz
بۇل تۋرالى الماتى ءماسليحاتىنىڭ XV سەسسياسىندا الماتى قالاسى اكىمىنىڭ ورىنباسارى الىشەر ءابدىقادىروۆ مالىمدەدى. اتاپ ايتقاندا، «الماتى تازالىق» ، «الماتى جىلۋ جەلىلەرى» ج ش س جانە «Eco Almaty» ج ش س تەحنوپاركتەرى جاڭارتىلاتىن بولادى.
دەپۋتاتتاردىڭ جاڭا ارنايى تەحنيكانى ساتىپ الۋعا قاتىستى سۇراقتارىنا جاۋاپ بەرە وتىرىپ، اكىمنىڭ ورىنباسارى اعىمداعى تەحنيكا پاركتەردى، اسىرەسە «الماتى تازالىق» پاركىن جاڭارتۋ قاجەت ەكەنىن اتاپ ءوتتى.
«الماتى تازالىق» تۋرالى ايتاتىن بولساق، بۇگىندە 761 تەحنيكا بار. بەلگىلىسى،قالا بويىنشا الاڭدار ۇلكەن جانە تەحنيكا ەسكىرگەن. وتكەن جىلى عانا 24 بىرلىك پايدالانۋدان شىعارىلدى. بيىلعى جىلى تاعى 29 بىرلىك مەرزىمگە جارامدى. وتكەن جىلدان باستاپ ءبىز تەحنوپاركتى بەلسەندى تۇردە جاڭارتا باستادىق. ءبىز تروتۋار تەحنيكاسىنا باسا نازار اۋدارامىز - ەڭبەكتى مەحانيكالاندىرۋ قول ەڭبەگىنەن قاشۋعا مۇمكىندىك بەرەدى. ءبىز ەلەكتر قۋاتىمەن جۇرەتىن تەحنيكانى ساتىپ الدىق، بۇل وتە جاقسى، ويتكەنى پايدالانعاندا گادانبايدى،لاستانبايدى. «التسك» تۋرالى ايتاتىن بولساق، مۇندا جاعداي وسىعان ۇقساس. كەيبىر جابدىقتاردىڭ قىزمەت ەتۋ مەرزىمى 23 جىلعا دەيىن سوزىلادى. مۇنىڭ ءبارى ونىمدىلىككە جانە اپاتتاردى قالاي ءتيىمدى جانە تەز جويۋعا بولاتىنىنا اسەر ەتەدى. التس بويىنشا تەحنيكا پاركىن جاڭارتۋ پايدالانۋ شىعىندارىن ازايتۋعا، پايدالانىلعان گازدار شىعارىندىلارىن قىسقارتۋعا جانە ءارتۇرلى شتاتتان تىس جاعدايلارعا دەن قويۋ مەن جويۋعا كەتەتىن ۋاقىتتى ازايتۋعا مۇمكىندىك بەرەدى»، - دەدى ءا.ءابدىقادىروۆ.
«Eco Almaty» جشس-نە كەلەتىن بولساق، اكىمنىڭ ورىنباسارى سورعىشتى جانە كانال جۋۋ ماشينالارى سياقتى تەحنيكانى ساتىپ الۋ سۋ وبەكتىلەرى مەن گيدروتەحنيكالىق قۇرىلىستارعا ساپالى قىزمەت كورسەتۋدى قامتاماسىز ەتەتىنىن اتاپ ءوتتى.