الماتىدا كوپىرلەر مەن جولايىرىقتىڭ جىگىن جوندەۋدە ەۋروپالىق تەحنولوگيالار قولدانىلدى
الماتى قالاسى ءماسليحاتىنىڭ كەزەكتى XV سەسسياسى بارىسىندا ءماسليحات دەپۋتاتتارى جولايىرىقتارىنداعى دەفورماسيالىق جىگىن جوندەۋ ءۇشىن قانداي تەحنولوگيالار قولدانىلاتىنىن سۇرادى. سونداي-اق، قالاداعى كوپىرلەر مەن جولايىرىقتاردىڭ جەر سىلكىنىسىنە توزىمدىلىگى تۋرالى سۇراق قويىلدى، دەپ حابارلايدى اlmaty-akshamy.kz.
الماتى قالاسى موبيلدىلىك باسقارماسى باسشىسىنىڭ ورىنباسارى ەرنۇر ءابجاحاننىڭ جاۋابى:
رايىمبەك داڭعىلى مەن ءاشىموۆ كوشەسىنىڭ قيىلىسىنداعى ەستاكادادا 10 سم-گە دەيىنگى دەفورماسيالىق جىك بايقالدى. بۇل قۇرىلىمنىڭ بۇزىلۋى ەمەس، فيزيكالىق پروسەستەر، قىستا مەتالل مەن بەتوننىڭ سىعىمدالۋىمەن جانە جازدا سوزىلۋىمەن بايلانىستى، ياعني بۇل تەمپەراتۋرا امپليتۋداسىنىڭ ناتيجەسى. بۇل جولايىرىقتىڭ جارامدىلىق مەرزىمى 10 جىل. ول 2014 جىلى سالىنعان جانە ونىڭ پايدالانۋ مەرزىمى اياقتالۋعا جاقىن. سوندىقتان بيىل دەفورماسيالىق جىك بويىنشا جۇمىس جۇرگىزىلدى، بارلىعى تولىق جوندەۋدەن ءوتتى. ەۋروپالىق تەحنولوگيا قولدانىلدى.
ەندى كوپىر، جولايىرىق سياقتى جاساندى قۇرىلىستاردى جوندەۋگە كەلسەك. بۇگىنگى تاڭدا 12 ورىن انىقتالدى. الدىڭعى جەر سىلكىنىسىنەن كەيىن ءبىزدىڭ ماماندار بارلىق كوپىردى زەرتتەدى. ەشقانداي ءقاۋىپ انىقتالعان جوق. الايدا قولدانىستاعى كوپىرلەر اعىمداعى جانە كۇردەلى جوندەۋدەن ءوتىپ جاتىر.
