الماتى تەاترلارى الەمنىڭ ەڭ ءىرى Avignon OFF 2025 تەاتر فەستيۆالىندە ءساتتى ونەر كورسەتتى، - دەپ حابارلايدى اqshamnews.kz ءتىلشىسى.
Avignon OFF 2025 اتتى ايتۋلى حالىقارالىق فەستيۆالدە الماتى تەاترلارىنىڭ قويىلىمدارى انشلاگپەن ءوتتى. Journées de l’Asie centrale باعدارلاماسى اياسىندا قازاقستان قوناق ەل رەتىندە قاتىسىپ، الماتى باستى مادەني ورتالىققا اينالدى. قالا تەاتر ونەرىنىڭ ەڭ وزىق تۋىندىلارىن پاش ەتتى.
فەستيۆالدىڭ رەسمي افيشاسىنا الماتىدان ءتورت تەاتر كىرىپ، كورەرمەننىڭ، حالىقارالىق تالىمگەرلەر مەن تەاتر سىنشىلارىنىڭ ۇلكەن قىزىعۋشىلىعىن تۋدىردى. ARTiShok تەاترى Atypik Théâtre ساحناسىندا «ماياكوۆسكيي» پەرفورمانسىن قويسا، Jolda Dance Theatre «تامىر» قويىلىمىن La Scierie ساحناسىندا كورسەتتى. الماتى مەملەكەتتىك قۋىرشاق تەاترى اتاقتى «رومەو مەن دجۋلەتتا» ماحاببات وداسىن La Scierie ساحناسىندا ساحنالادى. ال «الاتاۋ» تەاترى Rouge Gorge ساحناسىندا «دالا راپسودياسى» قويىلىمىمەن الماتىلىق تەاترلاردىڭ ونەرىن تۇيىندەدى.
الماتىنىڭ بۇل فەستيۆالگە قاتىسۋى جاي عانا جەڭىس ەمەس، قازاقستانداعى تاۋەلسىز تەاتر ونەرىنىڭ دامۋىنا جول اشقان تاريحي وقيعاعا اينالدى.
العاش رەت قازاقستاندىق تەاترلارعا ەۋروپانىڭ ەڭ ءىرى فەستيۆالىنىڭ ساحناسىندا وسىنداي كەڭ مۇمكىندىك بەرىلىپ، جاڭا حالىقارالىق ارىپتەستىككە جانە وتاندىق تەاتردى تانىتۋعا جول اشىلدى.
الماتى تەاترلارىنىڭ فرانسيا جەرىندەگى ونەرىن Almaty Creative شىعارماشىلىق يندۋستريالاردى دامىتۋ ورتالىعى الماتى قالاسى اكىمدىگىنىڭ قولداۋىمەن ۇيىمداستىردى.
ورتالىقتىڭ جۇيەلى جۇمىسىنىڭ ارقاسىندا العاش رەت ءبىرىڭعاي كۋراتورلىق ىرىكتەۋ جۇرگىزىلىپ، فەستيۆال ۇيىمداستىرۋشىلارىمەن، حالىقارالىق ينستيتۋتتارمەن جانە باق-پەن ءوزارا بايلانىس جولعا قويىلدى.