الماتى قالاسىندا ءبىرشاما يگىلىكتى ىستەر جۇزەگە اسىرىلىپ كەلەدى. سوزىمىزگە بۇگىنگى ناۋرىزباي اۋدانىندا جۇزەگە اسىرىلعان جۇمىستار دالەل، دەپ حابارلايدى Almaty-akshamy.kz.
بولاشاق بالادان باستاۋ الادى
جىل سوڭىنا دەيىن شۇعىلا شاعىن اۋدانىندا 320 ورىندىق مەملەكەتتىك بالاباقشا پايدالانۋعا بەرىلەدى. ول جىل باسىنان بەرى مەكتەپكە دەيىنگى ورىنداردىڭ تاپشىلىعىن تومەندەتۋ ماقساتىندا اۋداندا 475 ورىندىق 9 جەكەمەنشىك بالاباقشا اشىلدى. ال جىل سوڭىنا دەيىن 50 ورىندىق تاعى 1 بالاباقشا اشۋ كوزدەلىپ وتىر. سونىمەن قاتار، قازان ايىندا قۇرامىس جانە شۇعىلا شاعىن اۋداندارىندا 640 ورىندىق تاعى 2 بالاباقشا سالۋ جوسپارلانىپ، قاراجات بولىنگەن. ءارى قالقامان جانە شۇعىلا شاعىن اۋداندارىندا تاعى 560 ورىندىق 2 بالاباقشانى جوبالاۋ باستالدى. 2024 جىلدىڭ ءساۋىر ايىندا ساراپتاما قورىتىندىسىن العاننان كەيىن 2024 جىلدىڭ IIIء-شى توقسانىندا قۇرىلىس جۇمىستارى باستالادى.
ءبىلىمى مىقتىنىڭ بىلىگى مىقتى
2024 جىلدىڭ I توقسانىندا «الەم سيتي» تۇك اۋماعىندا 1200 ورىندىق مەكتەپ پايدالانۋعا بەرىلەدى. بۇعان قوسا، كونكۋرستىق راسىمدەر وتكىزىلگەننەن كەيىن وسى جىلدىڭ قازان ايىندا شۇعىلا شاعىن اۋدانىنداعى №174 مەكتەپكە 375 وقۋشى ورىندىق قوسىمشا قۇرىلىس سالۋ باستالادى. وقۋشى ورىندارىنىڭ تاپشىلىعىن ازايتۋ ماقساتىندا «جايلى مەكتەپ» ۇلتتىق جوباسى اياسىندا 7 900 ورىندىق 5 جاڭا مەكتەپتى جوبالاۋ جانە سالۋ بويىنشا جۇمىستار جۇرگىزىلۋدە. ءارى «مەكتەپ اۆتوبۋسى» جوباسى اياسىندا ناۋرىزباي اۋدانىنىڭ 2 اسا مۇقتاج مەكتەبىنە (№186 – 3 اۆتوبۋس، №200 – 2 اۆتوبۋس) 2000 وقۋشىنى قامتيتىن 5 اۆتوبۋس بولىنەدى. اۆتوبۋستار 1 قىركۇيەككە دەيىن جەتكىزىلمەك.
جولاۋشىعا جايلى جول كەرەك
ناۋرىزباي اۋدانىنىڭ بارلىق شاعىن اۋداندارىندا جولداردى اعىمداعى جوندەۋ جۇمىستارى بەلسەندى جۇرگىزىلۋدە. بۇگىنگى تاڭدا 70 كوشەدە 30 مىڭ شارشى مەتر جول جوندەلدى. جىل سوڭىنا دەيىن 130 كوشەنى قامتيتىن تاعى 25 مىڭ شارشى مەتر جولدى جوندەۋ جوسپارلانۋدا. سونىمەن قاتار، قالالىق موبيلدىلىك باسقارماسى شىلدە ايىندا اقجار جانە شۇعىلا شاعىن اۋدانىندا 10 كوشە بويىنشا 6،5 شاقىرىم جول سالۋدى باستادى. 10 كوشەدە 6،9 شاقىرىم جولعا ورتاشا جوندەۋ جۇرگىزىلدى. اعىمداعى جىلدىڭ قاراشا ايىنىڭ سوڭىنا دەيىن ۇزىندىعى 7 كم بولاتىن تاعى 6 كوشەدە ورتاشا جوندەۋ جۇمىستارى جۇرگىزىلەدى.
دەنى ساۋدىڭ جانى ساۋ
ناۋرىزباي اۋدانىندا 500 ادام كەلەتىن 2 جاڭا ەمحانا جانە 1 دارىگەرلىك امبۋلاتوريا سالۋ جوسپارلانۋدا. قۇرامىس شاعىن اۋدانىنداعى ءبىرىنشى ەمحانا بويىنشا جوبالاۋ-سمەتالىق قۇجاتتاما ازىرلەنگەن. وسى جىلدىڭ سوڭىنا دەيىن مەملەكەتتىك ساراپتامانىڭ وڭ قورىتىندىسىن الىپ، كونكۋرستىق راسىمدەر وتكىزىلگەننەن كەيىن قۇرىلىستى 2024 جىلدىڭ ءساۋىر ايىندا باستاۋ جوسپارلانىپ وتىر. شۇعىلا شاعىن اۋدانىنداعى ەكىنشى ەمحانا بويىنشا جوبالاۋ-سمەتالىق قۇجاتتاما ازىرلەنۋدە. 2024 جىلعى ناۋرىزدا مەملەكەتتىك ساراپتامانىڭ وڭ قورىتىندىسىن الىپ، كونكۋرستىق راسىمدەر وتكەننەن كەيىن قۇرىلىستى 2024 جىلعى ماۋسىمدا باستالماق. وسى جىلعى شىلدە ايىنىڭ باسىندا اقجار شاعىن اۋدانىنداعى 200 ورىندىق دارىگەرلىك امبۋلاتوريانىڭ جوبالاۋ-سمەتالىق قۇجاتتاماسىن ازىرلەۋ قولعا الىندى.
قوعامدىق كولىك باعىتتارى كۇشەيتىلدى
ناۋرىزباي اۋدانىنىڭ تۇرعىندارىنا ىڭعايلى بولۋ ءۇشىن 3 مارشرۋتتىڭ جىلجىمالى قۇرامى جاڭارتىلىپ، كۇشەيتىلدى، دەپ مالىمدەدى اكىم ەربولات دوسايەۆ ناۋرىزباي اۋدانىنىڭ تۇرعىندارىمەن كەزدەسۋىندە. ماسەلەن، №15، 47، 119 مارشرۋتتاردا اۆتوبۋستار سانى 52-دەن 57-گە دەيىن ءوستى. بۇعان قوسا، جەلتوقسان ايىنا دەيىن ناۋرىزباي اۋدانىنا قىزمەت كورسەتەتىن 3 مارشرۋت: №50 (10-نان 20-عا دەيىن)، 118 (23-تەن 25-كە دەيىن)، 212 (14-تەن 22-گە دەيىن) ءجيى ءجۇرىپ، جاڭارتىلادى.
كوشە ۇزارسا، كەپتەلىس بولماس
اباي داڭعىلىن سترويتەلنايا كوشەسىنەن قالا شەكاراسىنا دەيىن (600 مەتر) ۇزارتۋ اياسىندا بۇگىنگى تاڭدا جوبالاۋ-سمەتالىق قۇجاتتاماعا وزگەرىستەر ەنگىزىلۋدە. وسى جىلدىڭ سوڭىنا دەيىن مەملەكەتتىك ساراپتامانىڭ قورىتىندىسىن الادى دەگەن ءۇمىت باسىم. جۇمىستاردى 2024 جىلدىڭ سوڭىنا دەيىن اياقتالادى دەگەن سەنىمدەمىز. ال 700 مەتر ۇزارتىلاتىن تولە بي كوشەسىنىڭ جۇمىستارى وسى جىلدىڭ 20 قاراشاسىنا دەيىن اياقتالماق. سونىمەن قاتار، جۇبانوۆ كوشەسىن مومىش ۇلى كوشەسىنەن قالا شەكاراسىنا دەيىن ۇزارتۋ اياسىندا بۇگىنگى تاڭدا مەردىگەر ۇيىمدى انىقتاۋ بويىنشا كونكۋرستىق راسىمدەر جۇرگىزىلۋدە. ەسكەرەرلىك ماسەلە جۇمىستار جەر ۋچاسكەلەرىن ساتىپ الۋعا بايلانىستى جۇرگىزىلەتىن بولادى. نەگىزىنەن، ۇزارتۋ جۇمىستارىن 2025 جىلدىڭ سوڭىنا دەيىن اياقتاۋ جوسپارلانعان.
ءتىل بىلگەننىڭ مارتەبەسى بيىك
24 تامىز الماتىنىڭ بارلىق 8 اۋدانىندا شەت تىلدەرىن تەگىن وقىتۋ بويىنشا «تىلدەر ساياباعى» جۇمىسىن باستايدى. ساباقتار الماتى قالاسىنىڭ اكىمدىگىمەن، اۋدان اكىمدىكتەرىمەن، بەلسەندىلەرمەن جانە ەرىكتىلەرمەن بىرلەسىپ ۇيىمداستىرىلدى. 2023 جىلى «تىلدەر ساياباعى» جوباسى اياسىندا قالانىڭ 5000-نان استام تۇرعىنى 15-تەن استام شەت ءتىلىن تاڭداي وتىرىپ، ءارتۇرلى جەرلەردە وقىتۋ جوسپارلانعان
تۇرعىندار تالابى – «جايلى قالا»
«حالىق قاتىساتىن بيۋدجەت» باعدارلاماسىن ىسكە اسىرۋعا بارلىعى 2،7 ملرد. تەڭگە بولىنگەن. بۇگىنگى تاڭدا ناۋرىزباي اۋدانى تۇرعىندارىنىڭ تالابىنا ساي وزەن جاعالاۋلارى مەن ساياباقتاردى اباتتاندىرۋ جۇمىستارى جۇرگىزىلدى. بۇگىنگى تاڭدا 25 جوبا اياقتالىپ، باعدارلامانىڭ ءبىرىنشى كەزەڭىنىڭ 21 جوباسى ىسكە اسىرىلۋدا، وعان 1،8 ملرد تەڭگە ءبولىندى. قاراشا ايىنا دەيىن اۋدانداعى 3 جەراستى جاياۋ جۇرگىنشى وتكەلى اعىمداعى جوندەۋدەن ءوتىپ، جارىقتاندىرۋ اسپاپتارى تولىق بويالىپ، جوندەلەدى. سونداي-اق الماتى قالاسىنىڭ باتىس بولىگىندە جالپى ۇزىندىعى 30 كم بولاتىن 34 كوشەدە ارىق جەلىسى مەن نوسەر كاناليزاسياسىن سالۋ جانە رەكونسترۋكسيالاۋ جوباسىن ىسكە اسىرۋ شەڭبەرىندە ۇزىندىعى 7 كم بولاتىن 6 ۋچاسكەدە جۇمىستار جۇرگىزىلۋدە. اياقتالۋ مەرزىمى - 2024 جىلدىڭ سوڭى. وسى جىلدىڭ قىركۇيەك ايىندا قارعالى وزەنىنىڭ جاعالاۋىن كورىكتەندىرە وتىرىپ اباتتاندىرۋ، سىرتقى جارىقتاندىرۋ جەلىلەرىن، بالالار سپورت الاڭدارىن ورناتۋ جانە بوگەتتەن جاندوسوۆ كوشەسىنە دەيىن ۇزىندىعى 7،7 كم بولاتىن قوعامدىق كەڭىستىكتى جايلاستىرۋ جۇمىستارىن باستاۋدى جوسپارلاپ وتىرمىز. جوبا ازىرلەنىپ، قاراجات ءبولىندى (746 ملن. تەڭگە). 2024 جىلدىڭ شىلدە ايىنىڭ سوڭىنا دەيىن اياقتايمىز.